«Онлайн концертте қазақ эстрадасының белгілі әртістері Роза Рымбаева, Сағынай Абдуллин, Наджиб Вильданов, Ренат Гайсин, Жанар Дұғалова, Рүстем Нұржігіт, Диная, Әли Оқапов, Сырымтай Еңсепов тікелей эфирде Батырхан Шүкеновтің репертуарындағы әндерді орындайды», - делінген Мәдениет министрлігінің хабарламасында.
Концертті кешкі сағат 21:00-де онлайн форматта «Қазақтелеком» АҚ-ның telecomkz YouTube арнасынан көре аласыздар.
Сондай-ақ концерт Мәдениет және спорт министрлігінің Facebook және Қазақконцерттің @qazaqconcert Youtube парақшаларында қайталанады.
Еске сала кетейік, әнші, сазгер, Қазақстанның еңбек сіңірген қайраткері Батырхан Шүкеновтің өмірден өткеніне 5 жыл толды. Ол 2015 жылы Мәскеуде жүрек ауруынан қайтыс болған болатын.
