Жұқпалы індетпен ауырған осы ауылдың 1957, 1971 және 1987 жылы туған тұрғындары. Олардың екеуі бұған дейін ауырған сырқатпен байланыста болғандықтан Кеген аудандық орталық аурухананың провизорлық бөлімінде карантинде жатқан болатын. Енді 3 науқас та Қарасай аудандық ауруханасының инфекциялық бөліміне жатқызылады. Бүгін ауырған 3 науқаспен 12 адам байланыста болған. Күдіктілердің бәрі оқшауланып, эпидемиологиялық тексеру жүргізілуде.
- Қазірге дейін Кеген ауданында коронавируспен ауырғандар саны 6 адамға жетті. Төтенше жағдайға байланысты Кеген ауданының бас мемлекеттік санитарлық дәрігерінің арнайы қаулысы шықты. Оған сәйкес бүгінен бастап аудан орталығы – Кеген ауылы уақытша карантинге жабылады, - деп хабарлайды Алматы облысы әкімінің баспасөз қызметі.
Алматы облысы
