Спорт • 04 Мамыр, 2020

Іріктеу сыны өтетін елдер жарияланды

170 рет
көрсетілді
1 мин
оқу үшін

Біріккен күрес әлемі (UWW) 2020 жыл­ғы Токио Олимпиадасына іріктеу турнирі Марокко, Мажарстан және Қытайда өткізілетінін мәлімдеді. Қазақстанның Ұлттық Олимпиада комитетінің хабарлауынша, бұл шешімді Халықаралық Олимпиада комитеті де (ХОК) растаған.

Іріктеу сыны өтетін елдер жарияланды

Бүгінге дейін Олимпиада жолдамасының тең жартысы спортшыларға үлестірілген. Ал Азия аймақтық іріктеу турнирі Қытайдың Сиянь қаласында өткізілетін болды. Бұған дейін коронавирус қаупінің жоғарылауына байланысты Сияндағы турнир Қырғызстан астанасы Бішкекке ауыстырылған еді.

Алайда індеттен қауіптенген Қырғыз­стан билігі жарысты өткізуден бас тарт­қан. Осылайша, аталған турнир келесі жы­лы қайтадан Сиянь қаласында ұйымдас­ты­рылады. Африка және Мұхит аймағының іріктеу додасы Мароккода, еуропалық ірік­теу сыны Мажарстанда өтеді.