Әкім әуелі Игілік ауылдық округінде тұратын Мысалы Маханбетовтің шаңырағына барып, ардагерге сый-сияпат жасады.
«Ерлік елге мұра, ұрпаққа үлгі» деген аудан әкімі сұрапыл соғыста майдангерлердің көрсеткен қайталанбас ерлігіне бүгінгі ұрпақ бас иетінін жеткізіп, бізге бейбіт өмір сыйлаған қарт жауынгерге алғысын білдірді. Ал соғыс ардагері майдангерлерге әрдайым құрмет көрсетіп, әлеуметтік тұрғыда қолдау білдіріп келе жатқан билік өкілдеріне ризашылығын жеткізді.
Бұдан кейін Саудакент ауылының тұрғыны, соғыс ардагері Қабыл Ібжановқа да мерекелік сыйлықтар табыс етілді. Майдангер Ұлы Жеңіс күнін неміс жерінде қарулас достарымен қарсы алған сәтінен естеліктер айтты.
Сондай-ақ Қанатбек Мәдібек Жаңатас қаласының тұрғыны Кемелбек Шәменовтің де үйіне барып, ардагерге құрмет көрсетті. Өз кезегінде барлық ардагерлер Ұлы Жеңістің 75 жылдығына орай көрсетіліп жатқан құрмет пен қамқорлық үшін Президентке, облыс басшылығы мен жергілікті билік өкілдеріне алғыс айтты.
Жамбыл облысы
