Аймақтар • 16 Мамыр, 2020

Атырау: Қауіпті індет жұқтырғандар саны 500-ден асты

175 рет көрсетілді

Бүгін Атырауда 32 адамнан коронавирус инфекциясы табылды. Оның бесеуі Ресейдің Астрахан облысымен шекарадағы Құрманғазы ауданында анықталып отыр.

Төтенше жағдай режимін қамтамасыз ету жөніндегі өңірлік жедел штабтың хабарлауынша, Түркістан облысының1996, 1992, 1995, 1996, 1988 жылдары туған  бес тұрғыны Атырауға Ресей Федерациясынан келіпті. Олардан алынған тест қорытындысында қауіпті инфекцияның бары расталған.

Сондай-ақ  Теңіз кенішінің  27 жұмысшысынан да қауіпті індеттің  белгісі анықталды. Олардың 21-і –ер адам, ал, алтауы –әйел. Бұлардың бәрі инфекциялық стационарға жатқызылды.

Осылайша, бүгін Атырау облысында қауіпті індетті жұқтырған 506 адам тіркелді. Науқастардың арасындағы 428 адам – Теңіз кенішінде жұмыс істеген жұмысшылар. Ал, 147 пациент  қауіпті індеттен жазылып шықты.

Соңғы жаңалықтар

Ұқсас жаңалықтар