Қоғам • 19 Мамыр, 2020

Гранттар бөлінеді

146 рет
көрсетілді
1 мин
оқу үшін

Волонтер жастарды қолдау мақсатында «Жас Ұлан» бірыңғай балалар мен жасөспірімдер ұйымы» РҚБ, Ақпарат және қоғамдық даму министрлігі, «Азаматтық бастамаларды қолдау орталығы» КеАҚ қолдауымен «Birgemiz: Taza Alem», «Birgemiz: Asyl мura» жалпыұлттық жобалары шағын гранттар байқауын жария­лады.

Гранттар бөлінеді

Экологияға және тарихи-мә­дени мұраларға қатысты жобаларды іске асыруға мүмкіндік бе­ру, жобаларды іске асыруға аза­маттарды көптеп қатыстыруға негізделген байқау бірнеше ба­ғыт бойынша жүргізіледі.

Археологиялық іздеу жұ­мыс­­­тарын жүргізу, қалпына кел­тіру (реставрация) жұмыс­та­рын жүргізу, тарихи-мәде­ни нысандарда мониторинг жүргізу, тарихи-мәдени орын­дар­ға волонтер-гидтер даярлау, тарихи-мәдени орындарды на­сихаттауға волонтерлерді тарту, материалдық емес мәдени мұ­раны сақтау бойынша жобалар­ға волонтерлерді тарту бо­йын­ша жұмыс жүргізетін жас­тар­дың грантты ұтып алуға мүм­кін­діктері бар.

Грантты 136 жасқа беру жос­­парланған. 23 мамырға дейін жалғасатын байқауда жеке тұлғалар, бастамашыл топтар, үкі­меттік емес ұйымдар бақ сынай алады.

Байқауға волонтерлік қызмет тәжірибесіне азаматтарды тарту үшін тиімді механизм мен жа­ғым­ды жағдай жасау арқылы во­лон­терліктің жүйелі дамуына бағытталған «Birgemiz» Во­лон­тер­ жылын өткізу концепциясына сай жобалар қабылданады.