Аймақтар • 19 Мамыр, 2020

Жамбыл облысы: Қадір түнінде бірқатар отбасыға қайырымдылық жасалады

33 реткөрсетілді

Мұсылман баласы үшін бүгін мың айдан да қайырлы қасиетті Қадір түні. Қасиетті Рамазан айында адам баласы бір-бірімен сауапты іс жасап жарысады. Мұқтаж жандарға көмек қолын созып, қайырымдылық жасайды. Қазақстан мұсылмандары діни басқармасының Жамбыл облысы бойынша өкілі, облыстық орталық «Һибатулла Тарази» мешітінің бас имамы Бейбіт Мырзагелдиев өңірлік коммуникациялар қызметінің алаңында брифинг өткізіп, қасиетті Рамазан айы, Қадір түні турасында әңгімеледі.

«Он екі айдың сұлтаны болған Рамазанның алғашқы он күні Алланың рахымы түсіп тұрады, екінші он күнінде кешірімі болса, соңғы он күндігінде ораза ұстаған жанды тозақ отынан құтқаратын берекелі де кешірімі мол ай. Рамазанның осы соңғы онкүндігінде 83 жыл 4 айға тура келетін бір түн бар. Осы түнде адам баласы көбірек жақсылық жасап, ізгі амалдарды атқаруға тырысады. Рамазан – жұмақтың есігі айқара ашылатын, иманды күшейтуге мүмкіндік берілген ай. Бұл – Жаратушы Иеміздің ұлы сыйы әрі нығметі. Бір жылда он бір ай бойы кір шалып, тот басуға аз қалған рух пен жүректің қайта тазарып, кемелденуі үшін Құдай Тағаланың арнайы бекіткен киелі бағдарламасы.

Қадір түні – жай уақытта жасаған жақсылықтар мен салиқалы амалдардың сауабының 700 есеге дейін еселеніп жазылатын құтты түні. Сондықтан бұл түнде бар игілік иелері жақсылық жасауда өзара аламан бәйгеге түседі. Мұсылман үмбеті бұл айды сарыла күтіп, сағынышпен қарсы алады. «Келесі жылы бұл қасиетті аймен қайта қауышуға ғұмырым жете ме, жоқ па?» деген қимас сезімдермен шығарып салады», деді бас имам. Сонымен қатар ол оразаның үлкен сабыр мектебі екенін де айтып өтті. Өз сөзінде Бейбіт Мырзагелдиев аталған түнге дайындық шаралары облыстық және аудандық мешіттерде жүргізіліп жатқанын, көпбалалы, жалғызбасты аналарға және әлеуметтік жағдайы төмен отбасыларға қайырымдылық жасалып, халықтың ынтымағын арттыру мақсатында уағыз-насихаттар жүргізілетінін жеткізді.

 

Жамбыл облысы

Соңғы жаңалықтар

Елдік нышандар тарихы

Қазақстан • Бүгін, 18:14

Атырау: Үй қамаққа қамалған қыз

Аймақтар • Бүгін, 18:00

Биыл ауылға табиғи газ жетеді

Аймақтар • Бүгін, 14:29

Ұқсас жаңалықтар