Саясат • 21 Мамыр, 2020

Халықаралық стандарттарға сай келеді

17 рет көрсетілді

Парламент Мәжілісінің жалпы отырысында депутаттар «Қазақстанда бейбіт жиналыстарды ұйымдастыру және өткізу тәртібі туралы» заң жобасына Сенат енгізген өзгерістер мен толықтыруларды қолдап, дауыс берді.

Бұл заң жобасын әзірлеу және қабылдау процестерінің өзі «Халық үніне құлақ асатын мемлекет» тұжы­рым­дамасының дәлелі. Онымен қоса заң жобасының логикасы қоғам қажет­тілігіне байланысты өзгертілмек.

Сенаттағы талқылаудан кейін бас­тап­қы әзірленген заң жобасының тек атауы ғана қалып, құжат толық өзгер­ген. Мұның барлығы аталған заң азамат­тардың қолдануына жеңіл әрі ыңғайлы болуы үшін жасалып отыр. Сенаторлар өз ұсыныстарын жеткізіп, заң жобасының жетіспейтін тұстарын атап көрсетті.

Бұл үрдісті ескерсек, заң жобасын қабылдау процесінің созылып кеткені рас. Демократия дегеніміз келісу мен процедуралар. Келісу мен процедуралар көп болған сайын заң да халық үшін барынша ыңғайлы бола түседі. Сондықтан егер ырықтандыруға қарай қандай да бір өзгертулер енгізілетін болса, біз мұны құптаймыз. Ал дәл қазіргі уақытта заң жобасы ақылға қонымды және халықаралық стандарттарға сай келеді деп айта аламыз.

 

Ерлан САЙЫРОВ,

Еуразиялық интеграция институтының директоры, Ұлттық қоғамдық сенім кеңесінің мүшесі

 

Соңғы жаңалықтар

Теріскейдің Самалы

Руханият • Кеше

Ұқсас жаңалықтар