Саясат • 22 Мамыр, 2020

Баспаналы болудың бастамасы қандай?

124 рет көрсетілді

Жыл санап отандық әскери қызметшілердің әлеуметтік жағдайын жақсарту мен әлеуетін арттыру мәселесіне Қорғаныс министрлігі тарапынан жіті көңіл бөлініп келеді. Мәселен, сапта тұрған сардарлардың қызметтік баспана мәселесі де біртіндеп оң шешімін тауып жатыр. Тәуелсіздіктің қалқанына айналып, ел тыныштығының қарауылында тұрған сарбаздар үшін бұл да қомақты қамқорлықтың белгісі.

Ел күзетінде тұрған арыс­тарымызға қамқорлық таныту дұрыс-ақ. Әйтпегенде, санда­лып баспана іздеп жүрген әскери қызметші Отанын  қа­лай қорғайды? Сондықтан Қор­ғаныс министрлігінің бастамасы баспанаға ұласқанын жі­гер­д­ің жанылғаны, жақсылық алауының жағылғаны деп баға­лауға болады. Себебі бүгінгі Қазақстан армиясы басшылығының на­зар аударатын басым бағыты – әскери қалашықтардың ин­фра­құрылымын дамыту мен сардар­лардың, олардың от­ба­сы­ның өмір сүруіне қолай­лы жағдай жасау.

Қарулы Күштер сапындағы жауынгерлерге жасалынып жатқан бұл игі үрдіс жақында «Южный» жабық әскери қала­шығында жалғасын тапты. Бұл қалашық Шығыс Қазақстан облысындағы Аягөз гарнизонында орналасқан. Осылайша атал­ған гарнизондағы әскери бөлім­дердің сардарларына бас-аяғы 60 пәтерді пайдалануға берілді

– Қорғаныс министрлігінің басшылығымен ең маңызды әлеуметтік мәселенің бірі саналатын әскери қызметшілерді тұрақты баспанамен ғана емес, сондай-ақ қызметтік үй­­мен қамтамасыз ету мәсе­ле­сі өз шешімін табуда. Әс­ке­ри қызметшілер жаңа пәтерлерін толық ішкі әрлеу жұ­­мыстарынан кейін алады. Пластикалық терезелер, кіре­беріс және ішкі есіктер, сантехникалық құрылғылар, электр плиталар орнатылып, өрт дабыл бергіштері, электр және су есептегіш құралдары іске қосылған. Үйдің қасбеті желдетілетін отқа төзімді жү­йе­лермен қапталған, – деді «Шығыс» өңірлік қолбас­шы­лығы әскерлерінің қолбас­шысы генерал-майор Асан Жүсіп­ов.

Сондай-ақ аула аумағы абат­­тандырылып, балаларға ар­налған ойын алаңы мен жаттығу құралдары орналасыпты. Бұл әскери қалашықтағы көптеген ғимараттар мен құры­лыстар сонау 1970-1990 жылдары бой көтерген. Алайда кейінгі жылдары олардың келбеті түбегейлі өзгерді. 1350 пәтерден тұратын 18 тұрғын үйдің 15-іне толық жөндеу жұмыстары жүргізілді.

Биылғы жоспар бойынша 36 ғимарат пен құрылысқа күр­делі жөндеу жұмыстарын жүр­гізу қарастырылып отыр. 70 пәтерден тұратын бір тұрғын үй шілде айында аяқталмақ. Ал осыдан тура екі жыл бұрын мұн­да 1000 орындық жаңа мек­теп ашылды. Бұдан бөлек, қалашықта 200 орындық бала­бақша, әскери емхана мен гос­пи­таль, азық-түлік дүкендері және басқа да нысандар бар. Спортпен шұғылданамын де­ген­­ге спорт кешенінің есігі ашық. Онда әскери қызмет­ші­лердің балалары футбол, во­лейбол, таэквондо, джиу-джитсу және басқа да спорттық секцияларға қатысады. Мәдени-демалыс орталығында 6 мен 14 жас аралығындағы балаларға арналған би үйірмелері жұ­мыс істеп тұр. Мектеп қабыр­ғасында қолөнер мен музы­каны дамытуға арналған шығар­машылық үйірмелер, сондай-ақ спорт секциялары қолға алын­ған. Әскери қызметшілер мен олардың отбасы мүшелері қала­шық аумағы абаттандыры­лып, баспаналары барынша түр­ленгеннен кейін жағдайлары тіп­тен жақсара түсетінін айтады.

Соңғы жаңалықтар

Теріскейдің Самалы

Руханият • Кеше

Ұқсас жаңалықтар