Спорт • 25 Мамыр, 2020

Матч тамашалаған 41 жанкүйер коронавирустан қайтыс болған (видео)

142 рет көрсетілді

Футболдан Чемпиондар лигасының 1/8 финал бәсекесіндегі «Ливерпуль» мен «Атлетико» матчы 41 жанкүйердің коронавирустан қайтыс болуына себеп болған. Бұл туралы Британияның Sunday Times басылымы хабарлады.

11 наурызда Ливерпуль қаласында өткен ойынға 52 мыңнан аса көрермен жиналған. Оның үш мыңы Испаниядан келген «Атлетико» клубының жанкүйерлері. Sunday Times Британия денсаулық сақтау министрлігінің таратқан ақпаратына сүйене отырып, ойынға қатысқан және сол арқылы коронавирус жұқтырғандардың 41-і қайтыс болғанын мәлімдеді.

Лондон империал колледжі және Оксфорд университетінің жүргізген зерттеу нәтижесі бойынша, «Ливерпуль» – «Атлетико» ойыны өткізілген уақытта Испанияда 640 мыңнан аса адам коронавирус жұқтырған. Ал бұл уақытта Британияда 100 мыңнан көп адамнан инфекция анықталған-ды.

Сондай-ақ Ливерпуль қаласының мэрі Стив Роузерамның айтуынша, «Ливерпуль» – «Атлетико» ойыны әу баста өткізілмеу керек болған екен. Дегенмен бұл матч Британияда футбол бәсекелері тоқтатылмай тұрып өткізілген ең кейінгі ойын еді. Кездесуде 3:2 есебімен жеңіске жеткен «Атлетико» екі ойын қорытындысы бойынша 4:2 нәтижесімен басым түсіп, ширек финалға жолдама алған болатын.

Соңғы жаңалықтар

Ұқсас жаңалықтар