Коронавирус • 26 Мамыр, 2020

Қарағанды облысы: COVID-19 жұқтырудың 67 оқиғасы тіркелді

84 рет көрсетілді

Қарағанды облысында өткен тәулік ішінде коронавирус инфекциясын жұқтырудың 67 оқиғасы тіркелді, деп хабарлады облыс әкімінің баспасөз қызметі. 

ПТР-талдаудың қорытындысы бойынша, ең көп жұқтырғандар Саран қаласынан шықты. Мұнда 29 адам ауруға шалдықты. Қарағанды қаласының 17 тұрғыны, Теміртауда тұратын 16 адам да індеттің тұзағына ілікті. Абай қаласының төрт тұрғыны мен бұқаржыраулық бір азаматтан да коронавирус инфекциясының белгісі анықталды.

Пациенттердің көбі бұрын жұқтырғандармен жақын қарым-катынаста болғандар. Олардың арасында дерт белгілері скрининг нәтижесінде анықталғандар да бар. 

Науқастар жұқпалы аурулар стационарларына жатқызылды.

Қазіргі уақытта олардың денсаулық жағдайын дәрігерлер қанағаттанарлық деп бағалайды.

Жұқтыру ошақтарында дезинфекциялық жұмыстар жүргізілді. 

Бүгінге жеткен мәліметке сай, Қарағанды облысында 662 адамның КВИ жұқтырғаны зертханалық негізде расталған. Үш науқас індеттен көз жұмды және 191 адам жазылып шықты. 

Соңғы жаңалықтар

Ұқсас жаңалықтар