Әлем • 31 Мамыр, 2020

Шегірткелер әлемді жаулап жатыр

857 рет көрсетілді

Әлемде соңғы 25 жылда болмаған шегірткелердің ең ірі шапқыншылығы орын алды. БҰҰ Азық-түлік және ауыл шаруашылық жөніндегі ұйымының мәліметінше, әсіресе зиянкестердің қалың нөпірі Ауғанстан, Пәкістан, Үндістан және Африка құрлығындағы елдерде байқалуда. Оның салдарынан көптеген аймақтар ашаршылыққа ұшырауы мүмкін. Бұл туралы Президенті жанындағы орталық коммуникациялар қызметінде өткен баспасөз жиынында Ауыл шаруашылығы министрлігі агроөнеркәсіптік кешендегі мемлекеттік инспекция комитетінің төрағасы Алмабек Марс айтты.  

Осы ретте комитет төрағасы Қазақстандағы шегірткеге қарсы қабылданған шаралар жөнінде тізбектеді. Республикалық фитосанитарлық диагностика және болжамдар әдістемелік орталығының болжамына сәйкес, биыл 554 мың гектар алқапқа үйірлі шегірткелер, соның ішінде италияндық прус 95 мың гектарға, азиялық шегіртке 164 мың гектарға және марокколық шегіртке 93 мың гектарға таралуы мүмкін.

Бұдан басқа, саяқ шегірткенің таралуы ауқымы 266 мың гектарды құрауы ықтимал. Бұл орайда зиянкестермен күреске республикалық бюджеттен 1 млрд теңге бөлінді. Аталған қаражатқа химиялық өңдеу мен пестицидтер сатып алынған.

«Саяқ шегірткеге қарсы күреске жергілікті бюджеттерден 555 млн теңге қарастырылып отыр. Сонымен қатар орталық қоймада шегірткемен күресу үшін жалпы 525 мың гектар алаңға 47 мың литр көлемінде пестицид қоры бар. Үйірлі шегірткеге қарсы өңдеуді тиімді жүргізу мақсатында пестицидтердің алуан түрлері алынды.

Тұтастай өңдеу жұмыстарына арнайы 148 бүріккіш техника жұмылдырылмақ. Министрлік облыс әкімдіктерімен бірлесіп, өңірлік әкімдер басқаратын аймақтарда жедел штабтар құрылды. Сондай-ақ химиялық өңдеу жұмыстары бойынша мониторингтік жоспар бекітілді.

Шегірткелердің ошақтарын анықтау үшін 571 автокөлік, GPS трекерлері, планшеттер пайдаланылады. 1200 тексеруші тартылып, 38 млн гектар зерттеледі деп көзделуде. Көршілес елдермен, атап айтқанда ҚХР, Ресей Федерациясы және Өзбекстан мемлекетімен шекаралас аумақтарда зиянкестердің ошағын анықтау үшін бірлескен зерттеулер жүргізіледі», - деді А.Марс.

Спикердің айтуынша, қазір марокколық шегірткеге қарсы химиялық өңдеу жұмыстары Жамбыл және Түркістан облыстарында аяқталуға жақын. 28 мамырдағы жағдайға сәйкес, өңделген аумақтың көлемі 66 мың гектар немесе болжамның 71%-ын құрап отыр. Ал Алматы, Қарағанды және Павлодар облыстарында италияндық прусқа қарсы жұмыстар басталды. Бүгінде аталған аймақтарда өңделген жердің көлемі 12 мың гектарға немесе болжамның 4%-на жеткен.    

Соңғы жаңалықтар

Ресей азаматтары алғыс айтты

Аймақтар • Бүгін, 21:45

Семейге «Сергек» орнатылады

Аймақтар • Бүгін, 14:56

Әкім ақынға құрмет көрсетті

Аймақтар • Бүгін, 14:52

Алматыда халықаралық форум өтті

Аймақтар • Бүгін, 14:27

Ұқсас жаңалықтар