Әлем • 31 Мамыр, 2020

Мәскеу думабасы Шапошниковтың табысы бір жылда 79 есе өскен

25 рет көрсетілді

Қалалық Дума төрағасы 2 млрд рубльге жуықтаған кірісін жария етті, - деп хабарлады РБК. Бұл оның кірісі бір жылда 79 есе өскендігін білдіретін көрсеткіш.

Ол өз табысының бұлайша күрт өсуін қолындағы бағалы қағаздарын сатқандығымен түсіндірген. Алайда Шапошников бағалы қағаздардын түрі мен тарихы жөнінде дерек бермеген.

Мәскеу қалалық Думасының сайтында жарияланған мәліметтер бойынша Алексей Шапошниковтың иелігінде алаңы 269,5 кв. метр пәтер,18,7 кв. метр мәшине орны, Mercedes-Benz E-350 автокөлігі, сондай-ақ уақытша пайдаланудағы алаңы 277,7 кв. метр коттедж болған.

Википедиядағы мәліметтерге қарағанда, Шапошников ұзақ жылдар саясатпен шұғылданып келген. Оқытушы болған. Телеканалдардың бірінде бағдарлама жүргізген. Меншігіндегі пәтерін ипотекалық кредитке алған көрінеді. 2014 жылдан бастап екі сайлау қатарынан қалалық Думаға депутат болып сайланып, содан бері оған тұрақты төраға болып келеді.

Соңғы жаңалықтар

Салмағы 92 грамдық принтер

Технология • Бүгін, 13:30

Ұқсас жаңалықтар