Қаржы • 01 Маусым, 2020

Банктер кәсіпкерлерге 1 пайызбен несие беруге дайын

1326 рет
көрсетілді
4 мин
оқу үшін

«Атамекен» ҰКП төралқасының төрағасы Тимур Құлыбаев Алматы мен Нұр-Сұлтан қаласы кәсіпкерлерімен кездесу барысында банктер бизнес өкілдерін қолдауға дайын екенін айтты. Оның сөзінше, өңірлік бағдарлама бойынша әкімдік шамамен 50 млрд теңгені үлестік мөлшерлемемен банктерге бере алады. Халық банкі, Сбербанк қаражатты 1 пайызбен кәсіпкерлерге бөлуге дайын. Нәтижесінде, кәсіпкерге арналған тиімді мөлшерлеме 1,5 пайызды құрайды.

Банктер кәсіпкерлерге 1 пайызбен несие беруге дайын

«Төтенше жағдай кезінде біздің тарапымыздан қабылданған шаралар асығыс болды. Өйткені эко­­номика үшін қаражат бөлу ма­­ңыз­ды еді. Ал қазір мәселені жан-жақты саралауға мүмкіндік бар. Осы ретте жеңілдетілген несие­лер бағдарламасы бизнес үшін үлкен қолдау. Бұл ұсынысты біз Алматы қаласының әкімі Ба­қыт­­жан Сағынтаевқа жеткізген бо­ла­тынбыз. Әрине бастапқыда бан­ктер мұндай пайызбен жұмыс іс­тей­ді дегенге күмән болды», деді ол.

Карантин мен төтенше жағ­дай­дың салдарын басқаларға қара­ғанда көбірек сезінген екі қала­ның кәсіпкерлері туризм, мейрамхана және қонақ үй биз­несі, тамақтану, сауда, құрылыс және өнеркәсіп (жеңіл және өндіріс) салаларындағы ең ауыр мәсе­лелерді айтты. Сондай-ақ кәсіп­керлер қолданыстағы несие­лерді кейінге қалдыру мерзімін үш айдан алты айға дейін ұзар­туды және айналым капиталын толықтыруға жеңілдетілген кепілсіз несие алуға мүмкіндік беруді ұсынды.

«Микрокредиттерді кепілсіз беру мүмкіндігі қарастырылса дейміз. Мысалы, өз жалдаушыларымыз үшін жалға алу шарты болған жағдайда кепілгер болу мүмкіндігі мәселесін де қарастырдық. Біз екі жыл мерзімге 5 млн теңге көлеміндегі соманы қарап көрдік. Егер мүмкіндік бол­са, жалға алушыларға қолдау көр­сетуді сұраймыз», деп атап өтті «Тигрохауд фирмасы» ЖШС директоры Жанар Қорабаева.

Сонымен бірге басқосу ба­ры­сын­да елордалық құ­ры­лысшы­ларды алаңдатқан мәселе­лер тал­қы­ланды. Олар халық­тың сатып алу белсенділігінің төмен­деге­нін айта келе, салынып жат­қан құры­лыстардың тоқтап қал­мауына мүмкіндік жасауды сұрады. «Global Expert Develop­ment Group» ЖШС директоры Абзал Сағым­баевтың айтуынша, қазіргі таңда құрылыс саласы елордада белсенді жұмыс істеуде, себебі жаз маусымы басталған кезеңде құры­лыс қарқын алады, тиісінше қыз­меткер­лер саны бо­­йынша өзге­рістер байқал­май­тынын атап өтті. Сондай-ақ бастал­ған нысандар ғана салынып жатыр, жаңа жобалар әлі тоқтап тұрғаны сөз болды.

«Негізгі әсер етуші фактор – девальвация және дайын тұрғын үйді одан әрі сату. Бүгінгі таңда 100 мыңнан астам адам елорданың құрылыс саласында жұмыс істейді. Үлкен мәселе – бұл халықтың төлем қабілеті және сәйкесінше сату процесі. Құрылыс индустрия­сын қолдау үшін біз тұрғындар арасында сату мен өтімділікті арттыру мақсатында қайталама нарық үшін ипотека бағдарламаларын әзірлеуді ұсынамыз. Сондай-ақ біз ЭҚТЖС-ның тізімін кеңейту қажет деп санаймыз, бұл құрылыс саласын жалақы қорынан есептелген салықтар мен басқа да міндетті төлемдерден босатуға қатысты», деді Абзал Сағымбаев.

Кездесу соңында Алматы және Нұр-Сұлтан қалаларының кәсіпкерлерін мазалаған мәселелер қайта қаралатыны белгілі болды. Қолда бар ақпаратқа сүйене отырып, «Атамекен» үкіметке бизнесті қолдау шараларының тағы бір пакетін әзірлемек.

Т.Құлыбаев өз кезегінде жұ­мыс­пен қамту ұлттық палата үшін басымдық болып қала бере­тінін атап өтті. Демек қолдау шара­ларының негізгі траншы ка­ран­тиннен кейінгі кезеңде жұ­мыс орындарын сақтауға дайын кәсіп­орындарға бағытталады.

«Мемлекет кәсіпкерлікті қол­дауға ақша бөледі. Біздің міндетіміз – бұл қаражатты бизнеске тарту. Жалпы, негізгі мақсат жұмыспен қамтуды бақылауға бағытталады деп санаймын. «Атамекеннің» ұс­танымы – карантинге дейін жұ­мыс істеген кәсіпорындарды қолдау деп айтқанбыз», деді ол.

Естеріңізге сала кетейік, бұған дейін төралқа басшысы еліміздің 15 аймағындағы кәсіпкерлермен кездесіп, онда ең өзекті мәселелерді талқылаған болатын. «Атамекен» ағымдағы мәселелерді шешу үшін бизнеспен үнемі диалог жүргізуді жоспарлап отыр.

 

Соңғы жаңалықтар

Су үнемдейтін қондырғы

Технология • Кеше