Елдегі әлеуметтік тұрақтылық мемлекеттік саясаттың басым бағыттарының бірі болып табылады. Қарағандыда өткен «Әлеуметтік шиеленістің алдын алу және әлеуметтік-еңбектік қақтығыстарды шешудің жолдары мен әдістері» республикалық семинар осы мәселеге арналды. Оны Еңбек және халықты әлеуметтік қорғау министрлігі Қазақстан кәсіподақтар федерациясы, «Самұрық-Қазына» АҚ «Әлеуметтік серіктестік орталығы» корпоративтік қорымен бірлестіріп ұйымдастырды. Мемлекеттік мекемелер, ірі кәсіпорындар, кәсіподақтар, саяси партиялар филиалдарының, үкіметтік емес ұйымдардың басшылары жан-жақты талқыға салған аталған тақырып төңірегінде сындарлы әңгіме қозғады.
Елдегі әлеуметтік тұрақтылық мемлекеттік саясаттың басым бағыттарының бірі болып табылады. Қарағандыда өткен «Әлеуметтік шиеленістің алдын алу және әлеуметтік-еңбектік қақтығыстарды шешудің жолдары мен әдістері» республикалық семинар осы мәселеге арналды. Оны Еңбек және халықты әлеуметтік қорғау министрлігі Қазақстан кәсіподақтар федерациясы, «Самұрық-Қазына» АҚ «Әлеуметтік серіктестік орталығы» корпоративтік қорымен бірлестіріп ұйымдастырды. Мемлекеттік мекемелер, ірі кәсіпорындар, кәсіподақтар, саяси партиялар филиалдарының, үкіметтік емес ұйымдардың басшылары жан-жақты талқыға салған аталған тақырып төңірегінде сындарлы әңгіме қозғады.
Семинарда сөз алған Әлеуметтік әріптестік орталығының бас директоры Нұрлан Ерімбетов «Самұрық-Қазына» АҚ тобы компанияларының әлеуметтік тұрақтылық рейтингі әлеуметтік-еңбектік қақтығыстарды болжаудың құралы ретіндегі маңызды рөліне тоқталды. Ол ортаға салғандай еліміздің 500-ден астам кәсіпорнын біріктіріп, құрамында 320 мың адам еңбек ететін бұл топ әлеуметтік жауапкершілік пен әріптестіктің барлық бағыттары бойынша мемлекеттік органдармен, үкіметтік емес ұйымдармен тығыз әрі өзара ниеттестік іс-қимыл жасауға, еңбек қақтығыстарының алдын алудың жаңа тетіктерін енгізуге, еңбек қатынастары диагностикасының инновациялық әдістемелерін дайындауға, бизнестің әлеуметтік жауапкершілігі жөніндегі іс-шараларын жетілдіруге баса мән беріледі. Осы орайда жинақталған тәжірибе мен міндеттер кеңінен тілге тиек етілді.
Өзекті әңгімені өрбітіп жалғастырушылар Еңбек және халықты әлеуметтік қорғау министрлігінің Бақылау және әлеуметтік қорғау комитетінің төрағасы Ақмәди Сарбасов, Қазақстан кәсіподақтар федерациясы төрағасының орынбасары Қайрат Амандықов, «Қазақмыс корпорациясы» ЖШС еңбек қатынастарын реттеу басқармасының бастығы Серік Торыбаев тағы басқалары ұжымдық еңбек дауларының алдын алу және шешу, еңбек қақтығыстарын болдырмау сияқты өміршең мәселелер жөнінде ой бөлісіп, осыған байланысты ұсыныс-пікірлер білдірді. Қатысушыларға сондай-ақ, арнайы тренингтік сабақтар өткізілді.
Айқын НЕСІПБАЙ,
«Егемен Қазақстан».
ҚАРАҒАНДЫ.
