Қазақстан • 02 Маусым, 2020

Б.Нұрымбетов: 364 мың адам жұмыспен қамтылады

31 рет көрсетілді

Еңбек және халықты әлеуметтік қорғау министрі Біржан Нұрымбетов карантинді алып тастағанда, халықтың жұмыспен қамтылуы 2020 жылдың шілдесінен бастап қалпына келуі мүмкін деп санайды. Ол өз болжамдарын ҚР Үкіметінің отырысында айтты.

Еңбекминінің басшысы  І тоқсанның қорытындысы бойынша экономикада жұмыспен қамтылғандар саны 8,8 млн адамды, жұмыссыздық деңгейі – 4,8%-ды құрағанын атап өтті.

Наурыз-сәуір айларында карантиндік шаралардың енгізілуіне байланысты 4,2 млн. қазақстандық уақытша жұмысынан босатылды.

«Үстіміздегі жылдың 20 сәуірінде карантиндік шараларды жеңілдету басталды, бұл кезең-кезеңімен жұмысқа орналастыруға мүмкіндік берді. Үкімет тарапынан халықтың жұмыспен қамтылуына басымдық беріле отырып қабылданып жатқан экономиканы қалпына келтіру шаралары ағымдағы жылғы шілде айынан бастап еңбек нарығындағы жағдайдың тұрақтануына қол жеткізуге мүмкіндік береді», – деді Біржан Нұрымбетов.

Министрдің айтуынша, жыл соңында жұмыссыздықтың болжамды  деңгейі 6,1%-ды құрайды.

Сонымен қатар, ол ағымдағы жылы жұмыспен қамтуға жәрдемдесу шараларымен 1 млн. 220 мың адамды қамту жоспарланып отырғанын атап өтті.

«Азаматтардың басым бөлігі – 600 мың адам Нәтижелі жұмыспен қамтуды және жаппай кәсіпкерлікті дамытудың «Еңбек» мемлекеттік бағдарламасын іске асыру аясында, Жұмыспен қамтудың жол картасы бойынша – 255 мың адам, басқа да мемлекеттік бағдарламалар бойынша (Нұрлы жол, Нұрлы жер, ИИДМБ, БЖК 2020-2025 және т.б.) – 364 мың адам қамтылатын болады», – деді Біржан Нұрымбетов.

Соңғы жаңалықтар

Теңге қымбаттайды

Қаржы • Кеше

Италияда тоғыз жүлде алдық

Спорт • 07 Наурыз, 2021

«Барыс» ұтылып қалды

Спорт • 06 Наурыз, 2021

Елдос Сметов күміс алды

Спорт • 06 Наурыз, 2021

Ұқсас жаңалықтар