Қазақстан • 02 Маусым, 2020

Қазақстанда жол сапасы қашан жақсарады?

58 рет көрсетілді

2026 жылға қарай республикалық маңызы бар барлық жолдар жақсы және қанағаттанарлық жағдайда болады. Бұл туралы Индустрия және инфрақұрылымды дамыту министрі Бейбіт Атамқұлов бүгінгі халыққа есеп беру кездесуінде мәлімдеді.

«Келесі 6 жыл ішінде біз 10 мың шақырым жолды (оның ішінде 3,8 мың км өтпелі жобаны) салу және қайта құру, сондай-ақ республикалық желідегі 11 мың шақырым автомобиль жолдарын күрделі және орташа жөндеуді жоспарлап отырмыз»,- деді министр.

Сонымен қатар, Атамқұлов министрлік алдында үлкен міндеттер тұрғанын атап өтті: республикалық және республикалық маңызы бар автомобиль жолдарының үлесін 100% -ға жеткізу, I және II техникалық санаттағы автомобиль жолдарының ұзындығын 60% дейін, ақылы жолдардың үлесін 45% дейін, жол бойындағы қызмет көрсету объектілерін 100% қамту жоспарланған.

«Біз теміржол транзитін 49% -ға, яғни 18 ден 26,9 млн тоннаға дейін арттыруды жоспарлап отырмыз. Біз контейнер транзитін 2 есеге арттырып, 2025 жылы 1,6 миллион контейнерге жеткіземіз. Жолаушылар тасымалы жылына 8,1-ден 11 млн адамға дейін (35% -ға) артады», -  деді ол.

Министрдің айтуынша, жоспарланған жобаларды іске асыру 550 мың жұмыс орнын құруға мүмкіндік береді. Нәтижесінде көлік саласындағы еңбек өнімділігі 20 пайызға артып, инвестициялар 3 есеге артады.

Соңғы жаңалықтар

Қай салада жалақы өсті?

Экономика • Бүгін, 11:45

Ұқсас жаңалықтар