Аймақтар • 03 Маусым, 2020

Қарағандыны жастар сәндейді

22 рет көрсетілді

Қарағанды гүлзарларын сәндеу мақсатында жастар арасында ұйымдастырылған байқау өз мәресіне жетті. «Азамат» қоғамдық бірлестігінің бастамасымен «Инклюзивті еріктілер мектебі» жобасы аясында өткізілген «Жеңіс гүлдері» атты байқаудың жеңімпаздары анықталды. Жақын күндері жастар қаладағы бақтарға өздерінше көрік бермек.

Ерекше білім беру қажеттіліктері бар бала­лар­ды әлеуметтік маңызы бар іс-әрекетке тар­ту мақсатында ұйымдастырылған байқау қа­ты­сушылары 1 ақпан мен 15 мамыр аралы­ғын­да қала гүлзарларының дизайнын ұсынуы керек бо­латын. Байқауға Қарағанды қаласындағы 22 білім бе­ру ұйымы қатысты. Оның 19-ы мектеп, үшеуі мектепке дейінгі мекеменің тәлімгерлері. Жұмыстарын презентация, фото, макет және бейнематериалдар ретінде көрсетіп, жобаларын таныстырды. Соны­мен қатар таңдалған гүлдер атауы, түстері мен композициясының тұтастығы, ережеге сәйкес өсімдік тұқымдарын себу, күту, көшет­тер­ді дайындау технологиялары бойынша ұсы­ныс­та­ры да ескерілді.

Үздік деп танылғандар Халықаралық балаларды қорғау күні қарсаңында Қарағанды қаласындағы Нүркен Әбдіров ескерткішінің жанында бір жылдық гүл көшеттерін отырғызды.

Соңғы жаңалықтар

Қашықтан оқып, тіл үйрен!

Білім • Бүгін, 16:25

Атырауда жазғы дәмхана өртенді

Аймақтар • Бүгін, 13:05

Арақ аурудан айықтырмайды

Коронавирус • Кеше

Ұқсас жаңалықтар