Спорт • 03 Маусым, 2020

Биыл Жамбыл облысында 3 адам суға кеткен

38 рет көрсетілді

Жаз шыға салысымен барлық өңірде суға шомылу маусымы басталады.  Алайда, қауіпсіздік шараларын сақтау – басты талап. Жамбыл облысының аумағында 3 өзен, 100-ден астам су өткізу арнасы, 3 көл, 5 ірі су қоймасы және 102 ұсақ су қоймасы бар. Аталған су айдындарында шомылуға арналған 197 тыйым салу белгілері орнатылған.

Жамбыл облыстық төтенше жағдайлар департаменті Зілзалалар қауіп-қатерін азайту және азаматтық қорғау саласындағы бақылау басқармасы судағы қайғылы оқиғалардың негізгі себептерінің бірі – жабдықталмаған жерлерде шомылу болып табылатынын ескертеді. Биыл өкінішке қарай, облыста 3 адам суға кеткен. Мәлімет бойынша 2 адам балық аулау кезінде суға кетсе, 1 адам шомылу кезінде қайтыс болған. Облыстағы су айдындарында адамдардың қауіпсіздігі үшін облыстық төтенше жағдайлар департаментінің қызметкерлері жергілікті полиция қызметінің және ювеналды полиция өкілдерімен бірлесіп, күн сайын облыстың су айдындарында профилактикалық іс-шаралар жүргізуде. Рейдтің нәтижесі көрсеткендей,  тыйым салатын белгіге қарамастан, жасөспірімдер тобы жабдықталмаған орындарда шомылуда.

Жаз мезгілінен бастап су айдындарында, «Талас», «Аса» және «Шу» өзендерінде азаматтардың рұқсат етілмеген суға шомылу орындарына 95 рейд жүргізілген. Жүргізілген рейдте 13 тәртіп бұзушылық анықталған. Нәтижесінде тәртіп бұзушыларға Қазақстан Республикасы Әкімшілік-құқықбұзушылық туралы Кодексінің 440-бабы бойынша 111 мың 120 теңгеге айыппұл салынған. Сондай-ақ, жаз мезгілінде ең көп таралған құқық бұзушылықтар жабдықталмаған жерлерде шомылу, спирттік ішімдіктерді ішу, от жағу, жеке құтқару құралдарынсыз жүзу құралдарын пайдалану екен.

Рейд барысында демалушылармен су нысандарындағы жүріс-тұрыс ережелері туралы түсіндіру әңгімелері жүргізіледі және азаматтарға судағы қауіпсіздік шараларын сақтау қажеттілігі туралы ескертулер, сондай-ақ, су қоймаларының жанында балаларды қараусыз қалдырмауға кеңестер беріледі.

Жалпы, рейдті суға түсу кезеңі аяқталғанға дейін өткізу жоспарлануда.

 

Жамбыл облысы

Соңғы жаңалықтар

Көк тудың желбірегені...

Спорт • Бүгін, 08:14

Елдің елдігін сезіндік

Қазақстан • Бүгін, 08:09

Отанымызға шексіз ризамыз

Қоғам • Бүгін, 08:05

Халық таңдауы

Елбасы • Бүгін, 08:04

Азаттық архитекторы

Елбасы • Бүгін, 08:01

Қазақтың Қыз Жібегі

Руханият • Кеше

Ақ боранның азаптары

Аймақтар • Кеше

Адам өмірі үшін арпалыс

Аймақтар • Кеше

Ұқсас жаңалықтар