Аймақтар • 03 Маусым, 2020

Шығыс Қазақстан: Көкпекті ауданында мыңға жуық тұрғын жарықсыз қалды

228 рет көрсетілді

Адам шығындары мен зардап шеккендер жоқ.

Көкпекті ауданында қатты желдің әсерінен бірнеше ауыл жарықсыз қалды.

к

Дауылдан зардап шеккен Көкпекті, Тассай, Көкжайық және Үлгілімалшы ауылдарында 8 әлеуметтік нысанның, 30-дан астам жеке тұрғын үйдің шатырын жел ұшырып кетті.

е

Бұл туралы аудан әкімі аппаратының төтенше жағдайлар және мобилдік дайындық бөлімінің басшысы Расул Сарманов хабарлады. Адам шығындары мен зардап шеккендер жоқ. Қалпына келтіру жұмыстары жүргізілуде.

ч

Маманның мәлеметі бойынша 2 маусым сағат 19.00-ден 23.00-ке дейін желдің жылдамдығы секундына 22 метрге жеткен.

у

Көкпекті ауылындағы Жақия Шайжүнісов атындағы орта мектеп спорт залының, аудандық орталық ауруханының, Үлгілімалшы ауылындағы Абай атындағы орта мектеп қазандығының, Көкжайық ауылындағы ауылдық округ әкімшілігі ғимаратының, «Бөбек Лүпілі» балабақшасының, «Елім-ай» шаруа қожалығы мал бордақылау алаңының, Тассай ауылындағы Мұхтар Әуезов атындағы орта мектеп және интернат ғимараттарының шатырын жел ұшырып кеткен.     

й

Қазіргі уақытта Биғаш, Үлгілімалшы, Ұзынбұлақ, Тассай, Көкжайық, Көкпекті елді мекендерінде авариялық ажырату салдарынан мыңға жуық тұрғын жарықсыз отыр. Авариялық бригадалар үздіксіз жұмыс істеуде.

Шығыс Қазақстан облысы,

Көкпекті ауданы

Соңғы жаңалықтар

Қай салада жалақы өсті?

Экономика • Кеше

Ресей азаматтары алғыс айтты

Аймақтар • 26 Ақпан, 2021

Ұқсас жаңалықтар