Коронавирус • 04 Маусым, 2020

Қарағанды облысы: КВИ жұқтырғандар саны мыңнан асты

269 рет
көрсетілді
1 мин
оқу үшін

Қарағанды облысында өткен тәулік ішінде 68 тұрғыннан коронавирус инфекциясының белгісі табылды, деп хабарлады облыс әкімінің баспасөз қызметі. Сондай-ақ кеше КВИ-мен ауырған бір науқастың қайтыс болғаны ресми тіркелді.

Қарағанды облысы: КВИ жұқтырғандар саны мыңнан асты

Ауырғандар індетті бұрын жұқтырғандармен жақын қарым-қатынаста болған адамдарды тексеру кезінде және скрининг барысында анықталды. Олардың ішінде  Қарағандының 39 тұрғыны бар. Сондай-ақ, КВИ белгілері Теміртау қаласының 18 тұрғынынан және Абай, Бұқар жырау, Шет, Ұлытау аудандарының тұрғындарынан да расталды.

Қазіргі уақытта пациенттердің денсаулық жағдайы қанағаттанарлық. Жұқтыру ошақтарында дезинфекциялық іс-шаралар жүргізілді.

Соңғы мәліметтерге сай, Қарағанды облысында КВИ жұқтырудың 1 024 оқиғасы ресми түрде тіркелген. Оның ішінде төрт науқас көз жұмды және 314 адам індетті дәрігерлердің көмегімен жеңіп шықты.

Соңғы жаңалықтар

Су үнемдейтін қондырғы

Технология • Кеше