Аймақтар • 04 Маусым, 2020

Ел таңбасына ерекше құрмет көрсетілді

13 рет көрсетілді

Кеншілер астанасында Мемлекеттік рәміздер күніне арналған «Қазақстан Республикасының мемлекеттік рәміздерінің философиясы – Ұлы Дала тарихында» атты онлайн-дөңгелек үстел отрысы ұйымдастырылды.

Тағылымды іс-шараға Мемлекеттік Елтаңбаның авторы, Н.Гумилев атындағы ЕҰУ-дың профессоры Жандарбек Мәлібеков, қоғам қайраткері, Қазақстан халқы Ассамблеясының мүшесі Зулпа Чумакова, қазақ күресінен екі дүркін Азия чемпионы, Әлем кубогының иегері Бекзат Ахметбеков және құқық, мәдениет, спорт, білім салаларының өкілдері, ЖОО ректорлары, «Астана», «Орталық» әсери қолбасшылығының қызметкерлері, жастар белсенділері, мемлекеттік мекеме басшылары, облыстық Қазақстан халқы Ассамблеясының мүшелері қатысты.

Қарағанды облысының әкімі Жеңіс Қасымбек қатысушыларды Мемлекеттік рәміздер күнімен құттықтады. «Еліміздің басты символдарына деген құрмет лайықты деңгейде болу  керек және оның насихатталуының жеткілікті дәрежеде болуы аса маңызды», деп атап өтті ол.

Жандарбек Мәлібеков Мемлекеттік рәміздердің қабылдануына байланысты тарихи естеліктерімен бөлісті. Сонымен қатар, облысымыздың әр өңірінен қатысушылар Мемлекеттік рәміздерімізді насихаттау мен патриоттық тәрбиені қалыптастырудағы тәжірибелерімен бөлісіп, ізгі тілектерін жеткізді.

Іс-шара барысында өңірдің жоғары жауапкершілік және азаматтық ұстанымдарымен танылған бірнеше азаматына облыс әкімінің «Алғыс хаты» табыс етілді.

Мемлекеттік рәміздер күнінде облыстың барлық елді мекендерінде арнайы іс-шаралар ұйымдастырылып, еліміздің Әнұранына, Елтаңбасына және Туына құрмет көрсетілді. Атап айтқанда, ірі сауда орталықтарында, қоғамдық орындарда, мемлекеттік мекемелерде бір мезгілде әнұран әуелете шырқалды. Республикалық «Менің туым» акциясы аясында авто-мото шерулер ұйымдастырылды. Мерекелік іс-шаралар барысында санитарлық талаптарды қатаң сақтауға баса мән берілді.

 

Қарағанды облысы

Соңғы жаңалықтар

Рульге ие бола алмай қалды

Аймақтар • Бүгін, 09:52

Егемен елдің ордасы

Елбасы • Бүгін, 06:31

Көшпелі мобильді бригада

Коронавирус • Бүгін, 06:28

Ел бірлігінің кепілі

Елбасы • Бүгін, 06:08

Негізсіз қымбаттауы реттеледі

Президент • Бүгін, 06:05

Уақыттан озған көшбасшы

Елбасы • Бүгін, 06:02

Ұқсас жаңалықтар