Күні кеше ғана Жамбыл облысы әкімінің орынбасары болып келген Нұржан Календеров Шу ауданының әкімі болып тағайындалды. Ал, Шу ауданын басқарып келген Жарылқасын Айтақов өз еркімен орнынан кетті. Жаңа әкімді аудан активіне облыс әкімінің бірінші орынбасары Бекболат Орынбеков барып, таныстырды. Ал, бүгін осы уақытқа дейін облыс әкімі аппаратының басшысы болып келген Алмас Мәдиев облыс әкімінің орынбасары лауазымына көтерілді. Сонымен қатар, Сарысу ауданында екі рет әкім болған Қанатбек Мәдібек бүгін облыс әкімі аппаратының басшысы орынтағына отырды. Өңірде орын алып отырған кадрлық ауыс-түйіс әлі де жалғасуы мүмкін.
Жамбыл облысы
