Экология • 18 Маусым, 2020

"Көк Жайлауды сақтайық" тобының экологтары Алматыда бас қосты

373 рет
көрсетілді
3 мин
оқу үшін

Бүгін Алматыда  ұлттық табиғи парктерді басқару мәселелері бойынша өткен  сараптамалық пікірталаста  "Көк Жайлауды сақтайық" тобының экологтары мен қоғамдық белсенділері Экология министрлігі ұсынған экотуризмді дамыту тұжырымдамасына қарсы шықты, -   деп хабарлайды Egemen.kz. .

"Көк Жайлауды сақтайық" тобының экологтары Алматыда бас қосты

Сарапшылардың басты қорытындысы - Экология министрлігі мен әкімдіктер арқылы мемлекет таныстыратын және іске асыратын ерекше қорғалатын табиғи аумақтарды дамыту стратегиялары мен жоспарлары әлемдік стандарттарға ғана емес, сонымен қатар табиғи объектілерді қорғаудың маңыздылығына да сәйкес келмейтінін алға тартты.

"Біз экотуризм деп (экологиялық туризм) қоршаған ортаны қорғайтын және жергілікті халықтың әл-ауқатын жақсартатын табиғи аумақтардағы жауапты туризмді (www.ecotourism.org) немесе қоршаған ортаны қорғауды, жергілікті қоғамдастықтарды және тұрақты саяхаттарды біріктіру деген классикалық айқындауды негізге аламызй, - дейді сараптамалық кеңестің мүшелері. 

"Жасыл құтқару" ЭҚ төрағасы Сергей Куратов экологиялық туризм деп  қоршаған ортаны қорғайтын және жергілікті халықтың әл-ауқатын жақсартатын табиғи аумақтардағы жауапты туризмді (www.ecotourism.org) немесе қоршаған ортаны қорғауды, жергілікті қоғамдастықтарды және тұрақты саяхаттарды біріктіру деген классикалық айқындауды негізге алатынын айтып өтті.

"Іле-Алатау МҰТП орналасқан аумақ Алматы агломерациясын өмірлік қажетті экологиялық қызметтермен қамтамасыз ететін күрделі экологиялық жүйе болып табылады. Бүгінгі таңда ұлттық парктің табиғатты қорғау және туристік міндеттері арасында айтарлықтай алшақтық бар, бұл ойластырылмаған, асығыс және табиғатқа зиян келтіретін шешімдер қабылдауға әкеледі", деп айтып өтті "Жасыл құтқару" ЭҚ төрағасы Сергей Куратов.    

Эко белсенді  Вадим Ни Ұлттық парктерде ұзақ мерзімді жалға алуға арналған тендерлер жүйесінің өзі бірнеше жылдан бері сарапшылар қауымдастығы тарапынан сынға ұшырайтынын, осыған байланысты экотуризмді ілгерілетуге мүдделі компанияларда көптеген сұрақтар туындайтынын тілге тиек етіп өтті. "Рекреациялық жүктемелерді, объектілерді жайластыру мен пайдаланудың қатаң экологиялық нормаларын сақтау бойынша инвесторлардың жобаларына айқын және нақты талаптар жоқ", - дейді ол.

"Көк Жайлауды сақтайық" тобының мүшелері табиғи аумақтарда экотуризмнің дамуына қарсы емес, бірақ ең алдымен Ұлттық парк аумағында туризмді басқарудың тиімді жүйесін құру қажет деп санайды.

Туризмге тікелей қатысты маңызды мәселелердің бірі рекреациялық жүктемені есептеу және құқықтық тәртіпті сақтау және қорғау қызметтерін (рейнджерлерді) құру (нығайту), бұл қызметке Ұлттық парктерде тәртіп ережелерін бұзғаны үшін келушілерге айыппұл салу және жазалау құқықтарын беру болып табылады. Ұлттық паркті басқару жүйесін құруға сарапшылық қоғамдастықты және құзыретті қоғамды тартып, Қоғамдық кеңестердің жұмысына қатысу мүмкіндігін беру керек.