"Құрметті полиция қызметкерлері! Қадірлі ішкі істер органдарының ардагерлері!
Сіздерді Қазақстандық полиция күнімен шын жүректен құттықтаймын!
⠀
Сіздер қиын әрі қауіпті кәсіпті таңдадыңыздар. Әр күндеріңіз қауіпке толы және үлгілі өзіндік тәртіпті талап етеді. Өйткені сіздердің миссияларыңыз қылмыспен және заң бұзушылықтармен күресу ғана емес, сондай-ақ билік атынан лайықты әрекет ету болып табылады. Азаматтар сіздердің қызметтеріңізіге үлкен үміт артады, бұл сіздер үшін үлкен жауапкершілік.
⠀
Көпшілігіңіз осы мерекені қызмет үстінде қарсы алатындарыңыз анық. Сіздерге міндеттеріңізді сәтті орындап, өздеріңіз үшін үнемі алаңдап отыратын жақындарыңызға тез арада оралуды тілеймін. Отбасыларыңызға құт-береке тілеймін!
⠀
Қазақстандық полицияның қалыптасуына, ішкі істер органдарының үздік дәстүрлерінің сақталуына және жас қызметкерлерге тәжірибе беруде қосқан баға жетпес үлесі үшін ардагерлерге шексіз алғысымды білдіремін.
⠀
Қызметтік борышын атқару кезінде қаза тапқан полиция қызметкерлері есімізде мәңгілік сақталып қала береді! Оларға деген алғысымыз бен ризашылығымыз біздің жүрегімізде.
⠀
Ішкі істер органдарының барлық қызметкерлерін Полиция күнімен құттықтаймын! Сіздерге және сіздердің жақындарыңызға денсаулық, қажымас қайрат және табыс тілеймін", - делінген құттықтау хатында.
