КҮРЕЖОЛ ҚҰРЫЛЫСЫ БАСТАЛДЫ

Бүгінде “Батыс Еуропа - Батыс Қытай” халық­аралық транзиттік дәлізінің Сыр аумағынан өтетін бөлігінде жұмыс қарқынды жүргі­зілуде. Ғасырлық мәні бар орасан зор жоба облыс аумағының 811,7 шақырымын алады. Ұлы Жібек жо­лы­ның ізімен тартылып, Батыстан бастау алып, Бейжіңге жол тарта­тын халықаралық транзиттік дәліз Атлант мұхиты мен Тынық мұхи­тының арасындағы елдерді басып өтеді. Шы­ғыс пен Батысты, түстік пен теріскейді қосқан халық­аралық автодәліз арқылы қазақ жері кәрі құрлық­тың күретамырына, тоғыз жолдың торабына айналмақ. Халықаралық жоба бойынша атқарылатын жұмыстар Шиелі мен Жаңақорған және Арал аудан­дарында басталып та кетті. Жолдың сан-салалы жұмыстарына 54 шетел азаматы, еліміздің түкпір-түкпірі­нен келген 217 еңбеккер тартылып, 384 жергілікті тұрғындар қамтылды. Олардың басым көпшілігін об­лыстық жұмыспен қамтуды үй­лестіру және әлеуметтік бағдарла­малар басқармасындағы жұмыссыз­дар есебінде тұрғандар құрайды. Жос­пар­ланған құрылыс техника­сының әзірге 462-і жұ­мыл­дырылды. Ал құрылыс материалдары бойын­ша жылдық жоспарда қиыршық тастың қажеттілігі 2265 мың текше метр болып белгіленсе, қазіргі таңда 17 пайызы дайындалды. Сондай-ақ, 492,8 мың тонна құм қоспасының 47 мың тоннасы, 1305 мың тонна қиыршық тас қоспасы­ның 297,7 мың тоннасы, 49 мың текше метр темір-бетон бұйымда­рының 8,5 мың текше метрі пайдаланылуда. Бұл жол-құрылыс материалдарын “Тодини” мен “Салини” компания­лары әзірледі. “Салини” компаниясы өз жұмысын жүргізуде “ДМСУ-22”, “КазДор-Строй” және “Дорстрой” жауап­кершілігі шектеулі серік­тес­тік­­терімен қосалқы мердігерлік келі-сім-шарт жасасып, “ВитаДор-Строй” және “ЖылыОй­Сервис” ЖШС арқылы келіссөздер жүргізу­де. “Тодини” компа­ниясы “УАД”, “Казахдор­строй”, “СинаМидос­Строй” және “Казсевавто­дор” серіктестіктерімен, “Им­преза” ком­паниясы “Қуан” серіктестігімен бірлескен мерді­герлік келісім-шарт­қа қол қойды. “То­ди­ни” компа­ниясы Шиелі ауда­нында автомо­биль жол­дары басқармасы арқылы  3 шақы­рым жерге жол салудың алғашқы жұмыс­та­рын бастады. Белгі­ленген аумаққа 20300 тонна топырақ түсіріліп, 6 бульдозер, 1 грейдер жер­ді тегістеуде. Қосалқы мерді­гері “Казсевавто­дор” АҚ 28100 тонна қиыр­шық тасты қос­паны 5 шақырым жерді дайын­дауға құ­рылыс маңына жеткізіп, 5 бульдозер мен 1 грей­дерді іске қос­ты. Дәл осындай жұмыс Жаңа­қорған ауданында да атқарылуда.  “Сина­МидосСтрой” ЖШС 3 бульдозер мен 1 грейдер арқылы 1,8 шақы­рым жолды   тегістеуді бастады. “Салини” компания­сы Арал ауданында жол жүргізуді бастап 25 мың тонна қиыршық тас түсірді. Ірі жобаның басталуы жөнінде облыстық жолау­шылар көлігі және автомобиль жолдары басқар­масының бастығы Өмірбек Шәменов былай дейді: – Бұл жобамен қазір көпшілік қауым жақсы таныс. Күрежол Санкт-Петер­бург-Мәскеу-Ниж­ний Новгород-Қазан-Орынбор-Ақтөбе-Қызылорда-Шымкент-Тараз-Қор­дай-Алматы-Қорғас бағытымен өтеді. Транзиттік дә­ліз­дің “Самара-Шымкент” авто­жолымен өтуі көп мүмкіндікке жол ашады. Бұл жол­дың ұзындығы Қытай Халық Рес­пуб­­ликасы аумағы бойынша – 3425 шақы­рымды, Қазақстан Республи­ка­сында – 2787 шақы­рым­ды, Ресей Федерациясы бо­йын­ша 22330 шақырымды алады. Мұның ішінде Сыр елінің де үлесі бар. Халықаралық күрежол құрылысы елдің әлеуметтік жағ­дайын көтеруге де ықпал етеді. Оған қажетті инертті материал-дардың өзімізде өндірілуі өңір өндірісін өркендетуге негіз болмақ. Сонымен Сыр аймағында “Батыс Еуропа-Батыс Қытай” күрежолының құрылысы бастау алып, сырбойылықтарды қуаныш құшағына кенелтіп отыр Е.ӘБІЛ, Қызылорда.