Коронавируспен күресте әскери медицина қызметкерлер қырағылық танытуда

Қоғам • 01 Шілде, 2020

Коронавируспен күресте әскери медицина қызметкерлер қырағылық танытуда

11 рет көрсетілді

Әскери дәрігерлер мен медбикелер - бүгінгі күні коронавирустық инфекциямен күресте алдыңғы қатарда тұрғандардың бірі, деп хабарлады Қорғаныс министрлігінің баспасөз қызметі.

Сұңғат ӘЛІПБАЙ

Індеттің таралу қаупі туындаған жағдайда Қазақстан Қарулы Күштері Бас әскери-медициналық басқармасы тарапынан әскердің жеке құрамының санитарлық-эпидемиологиялық жағдайын қамтамасыз ету және сақтау бойынша қажетті жұмыс ұйымдастырылды.

Қарулы Күштерде алдын-алу және эпидемияға қарсы іc-шаралар жүргізу мен азаматтық денсаулық сақтау қызметтеріне көмек көрсету үшін екі мыңға жуық әскери медициналық персонал тартылды.

Әскери-медициналық ұйымдарда коронавирус жұқтырған науқас анықталған кезде әрекет ету алгоритмі белгіленді. Індетті жұқтырғандарды дер кезінде оқшаулау және олармен байланыста болғандарға медициналық бақылау жүргізу сұрақтары пысықталған.

Бас әскери-медициналық басқармасында әскери-медициналық, оның ішінде карантиндік, провизорлық және инфекциялық мекемелерде 700-ге жуық науқас емделіп шыққаны туралы айтылды. Қазіргі уақытта емдеу және оқшаулауға арналған 500 орын дайындалды.

Одан бөлек, Қарағанды Әскери лазаретінің медициналық персоналы Облыстық клиникалық ауруханасы базасындағы провизорлық госпитальдің жұмысына тартылды. Сонымен қатар, Ақтөбе, Аягөз, Гвардейск, Сарыөзек, Семей, Өскемендегі жеті әскери-медициналық мекемелерінде карантиндік, провизорлық, инфекциялық стационарларының жұмысына қатысу үшін дәрігерлік-медибикелік бригадалары дайындалды.

Қарулы Күштерде жеке құрамды диагностикадан өтуін қажетті мөлшерде қамтамасыз ету үшін жеке ПТР-зертханасы жұмысын атқаруда.

Күннің маңызды және өзекті жаңалықтарын «Егемен Қазақстан» телеграм каналынан оқыңыз