Спорт • 02 Шілде, 2020

«Qazsport» отандық футболды көрсетеді

9 рет көрсетілді

Қазақстан кәсіпқой футбол лигасы (ҚКФЛ) және «Қазақстан» республикалық телерадиокорпорациясы OLIMPBET-футболдан Қазақстан Чемпионатының барлық ойынын «Qazsport» телеарнасында көрсетуге уағдаласты.

Осылайша телеарнаның тікелей эфирінде әр турдың бірнеше ойынын көрсету жоспарланған. Ал тікелей эфирге шықпаған кездесулерді live режімінде qazsporttv.kz сайтын­да және Qazaqstan.tv мобильді қосым­шасы арқылы көруге болады, кейін бұл ойындар телеарна эфирінде қай­та­­ланады.

Бұдан бөлек, жанкүйерлер «Qazsport» телеарнасында Чемпио­нат­­тың әр туры аяқталғаннан кейін тіке­лей эфирде қазақстандық футбол туралы сараптамалық ток-шоу кө­ре алады.

«Qazsport» телеарнасының директоры Нағи Бақытбеков отандық футболды көрсетудің алдағы жос­пар­ларын айтты:

– «Qazsport» арнасының туған күні қарсаңында OLIMPBET-футболдан Қазақстан Чемпио­на­тының барлық ойындары біздің телеарнаның тікелей эфирінде көрсетілетінін хабарлау – біз үшін қуаныш. Бұл біріншіден, еліміздегі көптеген футбол жанкүйерлерінің сұранысы, тілегі негізінде қолға алын­са, екін­шіден әлемдік пандемия кезінде стадиондарға барып қол­­дау көрсете алмайтын барша спорт­сүйер қауымға үлкен сый деп бі­леміз. Егер турдағы кездесулер бір уақытта өтіп немесе ойындар кезінде тікелей эфирде үлкен халықаралық іс-шара көрсетіліп жатса, футбол ойындарының көрсетілімі ресми интернет-сайтта жүргізілетін болады. Сонымен қатар біз алдағы турдан бастап, барлық ойындар аяқ­талғаннан кейін тікелей эфирде футболсүйер қауым назарына са­раптамалық бағдарлама ұсынамыз. Спорт жанкүйерлерін алдағы уақыт­та сапалы және сұранысқа сай контентпен қуантамыз деген ойдамын, – дейді ол.

 

Соңғы жаңалықтар

Адасқан балалар аман-есен табылды

Аймақтар • 07 Тамыз, 2020

Ұқсас жаңалықтар