Спорт • 02 Шілде, 2020

GGG – «Канело» текетіресі үздіктер қатарында

13 рет көрсетілді

Әйгілі Gambling.com басылымы қазақ­стандық боксшы Геннадий Головкин мен мексикалық Сауль «Канело» Альварестің текетіресін спорт тарихындағы 101 үздік жекпе-жек­тің қатарына қосты.

Басылым нұсқасы бойынша Головкин мен Альварестің бәсекелестігі рейтингтің 91-орнына орналасқан. Орта салмақтағы екі үздік боксшының текетіресі ұзақ уақыт жарнамаланып, 2017 жылдың қыркүйегінде басталды. Бірінші айқасқа дейін отандасымыз кәсіпқой шаршы алаңда 37 жекпе-жек өткізіп, оның 33-ін нокаутпен аяқтаған еді. Ал «Канело» Флойд Мейвезерден жеңілгеніне қарамастан, сол кезде спортта енді жұлдызы жана бастаған-ды.

Екі боксшының бүгінгі күнге дейін жал­ғасып келе жатқан текетіресіне алғашқы екі жекпе-жек себеп болды деп айта аламыз. 2017 жылы ұйымдастырылған бірінші кездесуде Головкин мексикалық қарсыласынан 12 раундтың 10-ында басым түскенімен, төрешілердің шешімімен айқас тең аяқталды. Бір жылдан кейін матч-реванш болып, бұл жолы Альварес жеңіске жетті. Жекпе-жектің әділ өтпегеніне наразы болған жанкүйерлер екі боксшының үшінші рет жұдырықтасқанын қалайды. Қазіргі таңда тараптар үшінші жекпе-жектің қашан өтетінін талқылап жатыр.

 

Соңғы жаңалықтар

Елге керек екі кітап

Руханият • Бүгін, 08:52

Халықаралық форум өтті

Руханият • Бүгін, 08:50

Алғашқы ғарыш айлағы

Оқиға • Бүгін, 08:48

Сананы өзгертудің тиімді тетігі

Руханият • Бүгін, 08:36

Тарихи жерлердің тағылымы бөлек

Руханият • Бүгін, 08:30

Рухы биік ел ешқашан жеңілмейді

Руханият • Бүгін, 08:05

Ғылымның жаңа белесі

Ғылым • Бүгін, 08:01

Ұлттық үрдістер үзілмейді

Қазақстан • Кеше

Ұқсас жаңалықтар