Төрткүл дүниені шарпыған індет біздің елімізді де әуре-сарсаңға түсіріп жатқаны белгілі. Облыстағы жағдай да мәз емес. Аудандар арасында әсіресе Аягөз және Жармада жұқпалы ауруға шалдыққандар саны арта түсуде. Осы ретте науқастарға көмек көрсетіп жатқан қайырымды жандардың қатарының артқаны қуантады. Мәселен, бүгін Аягөз ауданының Ақшатау ауылының тұрғындары Аягөз қаласындағы орталық ауруханаға «Концентратор О2» аппаратын алып берді.
Сонымен қатар Секен Тұрсынғазин, Бектеміс Баймағұлов, Айдын Бұқаров секілді азаматтар осындай құрылғыны «Қазығұл» емдеу мекемесіне сыйға тартты.
Шығыс Қазақстан облысы,
Аягөз ауданы
