Спорт • 14 Шілде, 2020

Кім қанша табыс тапты?

117 рет
көрсетілді
1 мин
оқу үшін

Өткен жексенбі күні Әбу-Даби (БАӘ) қаласындағы «Жауынгерлер аралында» аралас жекпе-жектен UFC 251 турнирі ұйымдастырылғаны белгілі.

Кім қанша табыс тапты?

Күні кеше жарыста қай спортшының қанша табыс тапқаны жария етілді. Express.co.uk басылымының мәліметі бойынша, аталған кеште дебют жекпе-жегін өткізіп, жеңіліске ұшыраған отандасымыз Жалғас Жұмағұлов 12 мың доллар табыс тапқан. Қарсыласы да дәл сондай гонорар алған. Бірақ бразилиялық спортшының салмағы шекті межеден асып кеткені үшін табысының 20 пайызын Жалғасқа береді. Осылайша отандасымыз бір кеште 14 400 доллар, ал қарсыласы Пайва – 9 600 доллар табыс тапты.

Сондай-ақ осы кештің басты бәсекесінде төрешілердің шешімі бойынша жеңіске жеткен Камару Усман 500 мың доллар алса, оған есе жіберген Хорхе Масвидальдің гонорары 350 мыңды құрады. Бұл ретте октагонға шыққан жігіттердің атақ-даңқы мен бұрынғы жетістіктері де ескерілді. Тағы бір негізгі кездесуде өнер көрсеткен Алекс Волкановски 250 мыңды иеленсе, Макс Холлоуэй 300 мыңды еншіледі. Даңқты Жозе Алдоны ұпай санымен ұтқан Петр Ян небәрі 70 мың доллар алса, Алдо 300 мың долларды қалтаға басты.