Қайрат Мәми Жоғарғы сот төрағасы болып тағайындалды. Бұл туралы «24 kz» хабарлады.
Қайрат Әбдіразақұлы Мәми 1999-2000 жылдары Әділет министрінің орынбасары, Президент Әкімшілігі басшысының орынбасары, ал 2000 жылы Жоғарғы сот төрағасы болды.
Оның жетекшілігімен «Қазақстан республикасының сот жүйесі мен судьяларының мәртебесі туралы» Қазақстан республикасының Конституциялық заңы, «Қазақстан республикасының Жоғары Сот кеңесі туралы», «Атқарушылық iс жүргiзу және сот орындаушыларының мәртебесi туралы», «Аралық соттар туралы», «Прокуратура туралы», «Құқық қорғау қызметі туралы» заңдары және соттардың құқық қолдану тәжірибесіндегі өзекті мәселелер жөніндегі Жоғарғы Соттың нормативтік қаулылары әзірленді.
