Жуырда осы мәселеге байланысты ҚХЛ президенті Алексей Морозов арнайы мәлімдеме жасады. Оның айтуынша, «Барыс» турнирге қатысуға ниетті. «Біз әрдайым біріншілікке қатысатын елдердің жағдайын бақылап отырамыз. Өкінішке қарай, қазір Қазақстандағы жағдай қиын екенін білеміз. «Барыстың» маусымнан бас тартатыны туралы мәлімет жалған. Қазақстан командасы биыл да бас жүлде үшін таласуға ниетті. ҚХЛ-дің басталуына әлі бір жарым ай бар. Осы уақыт аралығында жағдай тұрақталады деп сенеміз», дейді Морозов.
Айта кетейік, «Барыс» былтырғы маусымда «Шығыс» конференциясында екінші, Чернышев дивизионында бірінші орын иеленді. Жалпы лигада төртінші орынға тұрақтады.
