14 шілде күні Нұр-Сұлтан уақытымен сағат 02:30-да Түркия мен Еуропадағы қандастар бірігіп ұйымдастырған гуманитарлық көмек Қазақстанға келіп жеткен болатын.
Көмектің жалпы салмағы - 900 киллограмға жуық. Оның ішінде медициналық заттар (бетперде, термометр, қорғаныш костюмдері және басқалар) және өкпені жасанды желдету құрылғылары бар. Бұл медициналық жабдықтар еліміздегі ауруханаларға үлестіріледі.
Жүктің бір бөлігін «Дүниежүзі қазақтарының қауымдастығы», «Отандастар коры» және елімізге Түркиядан арнайы келген қазақ диаспорасының өкілдері Нұр-Сұлтан қаласындағы жұқпалы аурулар орталығына тапсырды. Гуманитарлық көмектің қалған бөлігі Алматы, Шымкент және ШҚО емханаларына жеткізіледі.
