Футбол • 16 Шілде, 2020

Чемпионатты қайта жалғастыру жайын талқылады

210 рет
көрсетілді
1 мин
оқу үшін

Қазақстан футбол федерациясының Бас хатшысы Азамат Айтқожин еліміздегі эпидемиялық жағдай мен карантиннің спорт жарыстарына тигізетін әсері жөнінде Мәдениет және спорт министрлігінің жетекшілері өткізген видеоконференцияға қа­тысты.

Чемпионатты қайта жалғастыру жайын талқылады

Онлайн басқосуда ҚФФ Бас хатшысы Мә­дениет және спорт ми­нистрлігімен бірге чем­пионатты бір жерде өт­кізу жобасын талқы­ла­ды. Бұл арқылы ин­фек­цияның таралуын қыс­қартуға болады. Қала арасында қатынас болмайды. Әр клуб таңдалған аймақта қонақүйге орналасып, ішкі карантин шараларына толықтай жауап береді. Бұл жоба OLIMPBET-футболдан Қа­зақстан чем­­пионаты мен футзалдан Қа­зақстан чемпионатының ойындарына қатысты бол­мақ.

Тараптар елдегі эпиде­миялық ахуалға байланыс­ты балалар мен жас­тар арасындағы футбол жарыс­тарын қайта жалғастыру мүмкін емес деген пікірге тоқталды. Олардың арасында Екінші лига бәсекесі бар. Өйткені бұл турнирге кәмелеттік жасқа толмаған ойыншылар қатысады.

Видеоконференция қо­­ры­тындысы бойын­ша­ Чемпиондар лига­сы мен Еуропа лигасы ха­лық­­аралық жарыстарына еліміздің төрт клубы қатысатыны айтылып, соны­мен қатар Ұлттар лига­сындағы Қазақстан ұлттық құрамасының алдағы ойын­дарына қа­тысты Ден­саулық сақтау министрлігі мен коронавирус инфек­циясының таралуына қарсы күрес жөнінде мем­лекеттік комиссияға өті­ніш жасады. Басты талап футбол матчтарын карантин режімінде спорт нысанына кіретін қызметкерлердің санын азайтып, ашық аспан астында өткізу болып отыр.

 

Соңғы жаңалықтар

Су үнемдейтін қондырғы

Технология • Кеше