Бүгін қала әкімдігінде өткен брифингте, Нұр-Сұлтан қаласының Қалалық орта сапасы және бақылау басқармасы басшысының орынбасары м.а. Ерлан Бердалин коронавирус инфекциясының алдын-алу шаралары кезеңіндегі еңбек қызметінің ерекшеліктері туралы айтты.
"Жалдамалы қызметкерлер үшін 42500 теңге мөлшеріндегі әлеуметтік жәрдемақы төлеуге өтінішті жұмыс берушілер өз бетінше береді. Әрине, бұл қызметі бас санитарлық дәрігердің шектеу шараларына түскен ұйымдар. Айта кету керек, бұл төлемдер әлеуметтік сақтандыру қорынан қарастырылған, яғни жұмыс берушілер бұл үшін ешқандай қаржы төлемейді", – деді Е. Бердалин.
Алдағы жұмыстарға тиісті бақылау жасау мақсатында Нұр-Сұлтан қаласы әкімдігімен құрамына мүдделі мемлекеттік органдардың қызметкерлері кірген штаб құрылды.
"Әрине, еңбек қатынастары бөлігінде конституциялық құқықтардың бұзылуына байланысты барлық мәселелерді еңбек инспекциясы қарайды. Күн сайын еңбек инспекциясына 20-дан 40-қа дейін адам келеді. Бұл мәселелердің көпшілігі жұмыс берушілермен түсіндіру барысындағы әңгімелесуден кейін оң шешімін табады. Олай болмаған жағдайда қызметкер сотқа жүгінеді", – деді Е.Бердалин.
Еңбек құқықтарының бұзылуына тап болған азаматтар Достық көшесі, 13 үйде орналасқан Нұр-Сұлтан қаласының орта сапасы және бақылау басқармасына жүгінуге құқылы.
"Жоғарыда айтылғандарды қорытындылай келе, жұмыс берушілерге бұл жағдай ел үшін оңай емес екенін, сондықтан ақысыз демалыстағы жұмысшылардың тізімін беру мәселесіне аса жауапкершілікпен қарауын сұраймыз", – деп түйіндеді Е.Бердалин.
