Тағайындау • 27 Шілде, 2020

Қостанай облысының ТЖ департаментіне жаңа басшы тағайындалды

156 рет көрсетілді

Төтенше жағдай департаментінің бұрынғы басшысы Талғат Кәкенов зейнет жасына жетуіне байланысты жұмыстан босатылып, оның орнына Біржан Кәрімов тағайындалды, деп хабарлайды Egemen.kz

Департаменттің жаңа басшысымен Қостанайға жұмыс сапарымен келген  Ішкі істер министрінің орынбасары Ю.В. Ильин таныстырды. Азаматтық қорғаныс полковнигі Б.Т. Кәрімов бұған дейін Қарағанды облысында төтенше жағдай департаменті бастығының орынбасары қызметін атқарған.

Аймаққа жұмыс сапары барысында Ішкі істер министрінің орынбасары Ю.Ильин облыс басшысы А.Мұхамбетовпен кездесіп, бірқатар мәселелерді талоқылады.  Кездесу мазмұны жөнінде облыс әкімі әлеуметтік желідегі жеке парақшасында: "Бүгін ҚР Ішкі істер Министрінің орынбасары Ю.В. Ильинмен кездесу өткізіп, төтенше жағдайларды жоюдың алдын алу, өрт сөндіру, суға шомылу маусымында қауіпсіздік, қыс және су тасқыны кезеңіне дайындық мәселелерін талқыладық. ТЖ органдарына материалдық-техникалық қамтамасыз етуге 2019 жылы 307 млн теңге бөлінді, ал 2020 жылдың бірінші жартыжылдығына 359 млн. теңге бөлінді. Сонымен қатар, Жұмыспен қамту жол картасы бағдарламасы аясында 4 дамбаның құрылысы жүргізілуде, ол ағымдағы жылы аяқталады", деп жазды.

Соңғы жаңалықтар

Теріскейдің Самалы

Руханият • Кеше

Ұқсас жаңалықтар