Дауыл аралас жауған жаңбырдан жол бойындағы ағаштар мен үйлерді қиратып, аласапыран салдарынан 3 миллионнан астам тұрғын электр қуатынсыз қалды.
Исайас дауылы оңтүстіктен солтүстікке қарай жылжып, Американың 13 штатына екпінді соққысын қалдырды. Мәселен, Нью-Джерсиде желдің жылдамдығы секундына 47 метрге жетті. Оның екпінінен үйлердің шатыры қирап, жеңіл көліктердің саутамтығы қалмады.
Сонымен қатар, Вашингтонда бірнеше сағат ішінде рекордтық 55 миллиметр көлемінде жауын-шашын түсті. Нәтижесінде, қалалық метроның бірнеше станциясы су астында қалып, уақытша жабылды. Қазір дауыл АҚШ шекарасын кесіп өтіп, Канада аумағына да жетті.
