"Жұқпалы аурулар ауруханаларына (189 аурухана) және провизорлық орталықтарға (330 орталық) COVID-19 емдеу үшін клиникалық хаттамаға енгізілген препараттардың 91 атауы жөнелтіледі. Коронавирустық инфекция пайда болған сәттен бастап 12,8 млрд теңге сомасына дәрілік препараттар жөнелтілді", деді ол.
Шілде айының басынан бастап ауруханаларда дәрі-дәрмек тапшылығы мәселесін шұғыл шешу үшін жоспардан тыс 2,6 млрд теңге сомаға айлық резерв жөнелтілді.
"Өңірлер әкімдіктерімен қалған заттар бойынша тексеру жүргізіліп, "қызыл аймақтарды" жедел қажеттілік препараттары бойынша, сондай-ақ жергілікті жерлердегі дәрі-дәрмектерге болжамды қажеттілік бойынша талдау тұрақты негізде жүргізіледі", деді Е. Есқалиев.
