Аймақтар • 10 Тамыз, 2020

"Абай күнін" Алматы облысы қалай атап өтті?

438 рет
көрсетілді
1 мин
оқу үшін

Абай күніне орай Жетісу жерінде бірқатар тағылымды шара өтті, -  деп хабарлайды egemen.kz.

"Абай күнін" Алматы облысы қалай атап өтті?

Атап айтқанда, Талдықорған қаласында ұлы ойшылдың бейнесі тұрғын үйдің қасбетіне қашалып, салынды. Көпшілік жастар қолымен жасалған жаңа муралға көзайым болды. Граффити жанрында салынған Абай бейнесі  жетісулық жас суретшілердің қолынан шыққан тың туынды. Жетісу университетінің түлектері Еркеғали Иманғанли, Жазира Жұмабаева және Жадыра Отарбекованың шығармашылық идеясының жеміссті жүзе асуына Алматы облысының сыбайлас жемқорлыққа қарсы қызметінің мамандары қолдаған екен. Жалпы, бұл жастар қолынан шыққан алғашқы мурал емес, "Жетісу АРТ" жобасы аясында суретшілер тобы сыбайлас жемқорлыққа қарсы үндейтін суреттер мен дәрігерлер құрметіне арналған графитти бейнелердің тұсауын кескен болатын.

Сондай-ақ мереке күні облыстық мәдениет басқармасының мұрындық болуымен жарық көрген  "Адамзаттың Абайы" кітабының тұсаукесері өтті.       

Биыл Алматы облысы әкімінің қолдауымен "Абайға арнау" атты жазба ақындар мүшәйрасы өткен еді. Жарық көрген жинаққа сол мүшәйрадан оза шапқан бір топ ақынның өлеңі топтастырылған.

Ал "Nur Otan" партиясы Алматы облыстық филиалының ұйымдастыруымен Ұлы ақын өлеңдерінің онлайн кеші өтті. Әлеуметтік желілер арқылы тікелей эфирде көрсетілген  кеште "Талдықорған әуендері" фольклорлы-этнографикалық ән-би ансамблінің әншілері өнер көрсетіп,  жас ақындар хәкім Абайға арнау оқыды. Мұнан бөлек, бүгін Алматы облысында тұратын өзге этнос өкілдері арасында "Ортақ Абай" деген атпен өткен көркемсөз оқу байқауы да қортындыланды.

Соңғы жаңалықтар

Су үнемдейтін қондырғы

Технология • Кеше