Португалияның Лиссабон қаласындағы «Эштадиу да Луш» стадионында өткен ойын 3:0 есебімен аяқталды. Алғашқы голды 13-минутта Анхель Ди Марияның әуелете асырған добына бірінші болып жеткен бразилиялық қорғаушы Маркиньос баспен тура соққы жасап, есепті ашты. 42-ші минутта Ди Марияның өзі гол соқты. 56-минутта Хуан Бернат сол баяғы Анхель Ди Марияның сол қапталдан әуелете асырған добын қақпаға баспен тура бағыттады. Есеп – 3:0, ПСЖ клуб тарихында тұңғыш рет Чемпиондар лигасының финалында! Ал небәрі 2009 жылы құрылған және жартылай финалға дейін жеткен «РБ Лейпциг» командасы турнирді осы жолдан аяқтады.
Кездесудің үздік ойыншысы – Анхель Ди Мария.
Статистика:
«РБ Лейпциг» – ПСЖ 0:3
Маркиньос 13, Ди Мария 42, Хуан Бернат 56.
Допты иелік ету – 44% – 56%; соққы – 15:14; дәл соққы – 3:9; бұрыштама – 5:4; офсайд – 0:3; сары қағаз – 3:1; ойыншы алмастыру – 5:4.
«РБ Лейпциг»: қақпашы – Гуляши; қорғаушылар – Мукиеле, Упамекано, Клостерманн (Орбан); жартылай қорғаушылар – Анхелино, Забитцер, Кампль (Адамс), Лаймер (Хальстенберг), Нкунку (Форсберг), Ольмо (Шик); шабуылшы – Поульсен (к).
ПСЖ: қақпашы – Рико; қорғаушылар – Керер, Кимпембе, Силва, Бернат; жартылай қорғаушылар – Эррера (Верратти), Маркиньос, Паредес (Дракслер); шабуылшылар – Ди Мария (Сарабия), Мбаппе (Шупо-Мотин), Неймар.
