Қарағанды облысы экспортқа 700 тонна тритикале жөнелтті

Аймақтар • 19 Тамыз, 2020

Қарағанды облысы экспортқа 700 тонна тритикале жөнелтті

285 рет көрсетілді

Облыстың Осакаров ауданындағы «Найдоровское» ЖШС қара бидай мен қатты бидай гибриді – тритикале өсіріп, алынған өнімді экспортқа шығарды, – деп хабарлайды Egemen.kz. облыс әкімінің баспасөз қызметіне сілтеме жасап.

Қайрат Әбілда

Шаруашылық басшысы Павел Лущак тритикале тұқымын үшінші жыл сепкендерін айтады.

– Күздік дақыл өзін жақсы жағынан көрсетті. Биыл тұқымның бұл түрі 750 га жерге себілді. Алқаптың бір бөлігіне бидайдың «Гром» және «Бригада» сұрыптары сіңірілді. Бұл – ресейлік селекция. Күздік дақылдарды жинау 20 шілдеде басталды. Тамыздың басында алғашқы 700 тонна тритикале Тәжікстанға жөнелтілді. Өнімді жергілікті құс фабрикалары да сатып алды, – дейді ол.

Айта кету керек, биылғы жаздың құрғақшылығына қарамастан, күздік бидай әр гектардан 25 центнерге дейін өнім берді. Бүгінгі күнде шаруашылық бұл бағытты дамытуды жөн санайды. Алдағы уақытта күздік алқаптарды 1 350 гектарға дейін ұлғайту жоспарда бар екен.

Қазіргі таңда «Найдоровское» ЖШС заманауи технологияларға көбірек ден қойып, дәнді дақылдардың жаңа сұрыптарын сынақтан өткізуде.

– Бізде ауа-райы қатал, ал егістіктің шығымы нашар. Сондықтан, жаңа технологияларды енгізуден басқа жол жоқ. Сапалы тұқымсыз, агротехнологияларды сақтамай және тыңайтқыштарды қолданбастан ілгері жылжу тіпті де мүмкін емес. Бізге отандық селекционерлердің көмегі қажет. Қазір біз өзіміздің алқаптарымызда шетелдік селекцияны сынақтан өтікізіп жатырмыз. Қарап тұрсаңыз, бұл дегеніңіз зор шығынға, қажеті шамалы тәуекелге алып келетін шаруа, – дейді шаруашылық басшысы Павел Лущак.

Қазақстандағы және әлемдегі соңғы жаңалықтарды бірінші болып оқу үшін Telegram желісінде бізге жазылыңыз.