Бірінші өрт сөндіру есептері келгенде Төле би көшесінен төмен шығыс айналма жолының батыс жақ беткейінде құрғақ шөптер жанып жатқанын анықтады. Өрттің аумағы шамамен 1,5 гектарды қамтыды. Қатты соққан жел мен биік өскен шөптерден беткейдің жоғары жағында орналасқан жеке тұрғын үйлерге таралу қаупі туындады. Қызыл жалын мен тұрғын үйлердің арақашықтығы 20 метрді құрады. Жедел қабылданған шаралардың арқасында өрт оқшауланды, 4 өрт оқпандары жіберіліп, жарылғыштар қолданылды.
Өртті сөндіруге жеке құрамнан 40 адам, 9 бірлік техника және әкімдіктің 1 су тасымалдайтын автокөлігі жұмылдырылды. Қаза болғандар мен зардап шеккендер жоқ. Сонымен бірге, ТЖД қызметкерлерімен кешенді алдын алу шаралары жүргізіледі. Атап айтқанда, қала аудандарының әкімдіктерімен бірлесіп, ашық аумақтарға жапсарлас автомобильді және теміржол бойында минералданған жолақ (жол) құру бойынша шаралар жүргізілуде.
Аудандарының әкімдіктерімен 140-тан астам шақырым жол мен даламен жапсарласқан орындарда жекеменшік сектор жалпы аумағы 213 гектар болатын құрғақ шөп шабылды. Қабылданған шаралар өз нәтижесін берді ағымдағы жылы құрғақ шөптің жануы 17%-ға төмендеді. Осыған байланысты, ТЖ департаменті оңтүстік астананың тұрғындары мен қала қонақтарын құрғақ және ыстық ауа райын ескере отырып:
- қураған шөптерге темекі қалдықтарын тастамауға;
- құрғақ өсімдіктердің жанында от жақпауға;
- от тұтанып кету қаупі бар сынған шынылар мен бос құтыларды қалдырмауға шақырады.
Ауыр зардаптар орын алған жағдайда кінәлі адамдар әкімшілік және қылмыстық жауапкершілікке тартылатын болады.
Қазақстандағы және әлемдегі соңғы жаңалықтарды бірінші болып оқу үшін Telegram желісінде бізге жазылыңыз.
