![Канадада Қазақстан Конституциясының 25 жылдығына орай веложарыс өтті](/media/2020/08/30/img_20200830_205850.jpg)
Қазақстан Республикасы Конституциясының 25 жылдығына орай Қазақстанның Канададағы Елшілігінің қызметкерлері веложарыс ұйымдастырды. Веложарыс символдық 25 шақырымды құрап, Оттава орталығы мен Гатино ауданының көрікті жерлерінен өтті.
Қазақстан Республикасының Конституциясы (1995 жылғы 30 тамызда республикалық референдумда қабылданған) әмбебап қағидаттарға негізделеді және адамды, оның өмірін, құқықтары мен бостандықтарын жоғары құндылықпен айқындайды. Азаматтардың денсаулығы мен әлеуметтік жауапкершілік Қазақстан мен Канада үкіметтері үшін басым мақсаттар болып табылады.
Қазақстан Елшісі Ақылбек Камалдинов атап өткендей, "Елшілік ұйымдастырған веложарыс – қазақстандықтарға алғыс білдірудің тамаша тәсілі. Қазақстан мен Канаданың көптеген ұқсастықтары бар – бұл ұқсас табиғи-климаттық жағдайлар, екі елдің де аумағы үлкен және халықтың саны айтарлықтай көб емес, табиғи ресурстарға бай. Біздің елдеріміз екіжақты форматта да, халықаралық аренада да өзара тиімді ынтымақтасады. Сыртқы саясатта Қазақстан, Канада тәрізді, халықаралық бейбітшілік пен қауіпсіздікті нығайтуға елеулі үлес қосуда. Біз сондай-ақ БҰҰ, ЕҚЫҰ жүйесі шеңберінде және басқа да көпжақты алаңдарда канадалық әріптестермен белсенді өзара іс-қимыл жасаймыз".
"Канадамен екіжақты қарым-қатынасты дамытуда біз ортақ мақсаттар мен әлеуетті мүмкіндіктерге сүйене отырып, өзара іс-қимыл жасауға тырысамыз. Осындай мүмкіндіктердің бірі – спорт", деп атап өтті А.Камалдинов.
![](/media/2020/08/30/img_20200830_205916.jpg)