Аймақтар • 01 Қыркүйек, 2020

Аймақтың үздік білім ордасы

10 рет көрсетілді

Қостанай облысында орта білім беретін мекемелер арасында өткен байқау қорытындысы жарияланды. Білім басқармасы басшысының міндетін атқарушы Ермек Айтмағамбетовтің айтуынша, биыл Әулиекөл ауданындағы С.Баймағамбетов атындағы мектеп-гимназия аймақтағы ең үздік мәртебесіне ие болып отыр.

Ал кәсіптік-техникалық білім беретін мекемелердің ішінен Қостанай педагогикалық колледжі озып шыққан. Аталған білім ошағына 34 млн теңгенің сертификаты табыс етілді. Биыл облыста 300-ге жуық ұстаз жоғары марапатқа ие болды. Мысалы, 7 мұғалім «Ы.Алтынсарин» төсбелгісін кеудесіне тақса, 8 мұғалім «Білім беру ісінің құрметті қызметкері» белгісіне ие болды. Мұның сыртында, білім саласында талмай еңбек етіп келе жатқан жүздеген ұстазға Білім және ғылым министрлігінің Құрмет грамотасы мен Алғыс хаты және облыс әкімінің грамоталары табыс етілді.

– Жаңа оқу жылының 1 тоқсанында білім беру негізінен қашықтан ұйымдастырылады. Облыс мектептері үшін бұл жаңалық емес. Өткен жылы біраз тәжірибе жинақтадық. Аймақтың білім беру саласын цифрландыру бағытында да қыруар шаруа тындырылды. Мәселен, соңғы үш жыл ішінде облыс мектептерінде жалпы сомасы 340 млн теңгеге 66 IT-сынып және 32 роботтехника кабинеті ашылды. Биыл жазғы маусымда 1,4 млрд теңгеге 6 мың компьютер сатып алдық. Бұған қоса, 15 қыркүйекке дейін үкіметтік резервтен бөлінген 2,4 млрд теңгеге 15 мыңнан астам компьютерлік техника сатып алуды ойластырып жатырмыз. Сондай-ақ жаңа оқу жылына қажетті оқу материалдарын сатып алуға шамамен 1,2 млрд теңге жұмсалды, – деді Е.Айтмағамбетов.

 

Қостанай облысы

 

Соңғы жаңалықтар

Ұстазы жақсының ұстамы жақсы

Руханият • Бүгін, 18:30

Балқашта қар жауып жатыр

Ауа райы • Бүгін, 15:48

Той тойлау тыйылмай тұр

Қоғам • Бүгін, 10:45

733 980 қазақстандық вакцина салдырды

Коронавирус • Бүгін, 09:58

Ұқсас жаңалықтар