"Біз тәуелсіз Қазақстанның тағдыры тарих таразысына түскен сын кезеңде өмір сүріп жатырмыз. Сондықтан Қазақстан халқының санасында серпіліс жасалуы керек. Президент өзінің Жолдауында осы ойды жеткізгісі келді.
Бастысы осы сынақ кезеңінде ең басты мақсаттарымыздан айнымауымыз керек. Мақсаты бар адамда жігер мен қайрат та болады.
Пандемия кезіндегі тағы бір мәселе – инфодемия. Осы кезеңде демократияның орнына хайпократия келді. Міне сол хайпократияның жолында кетпей, өзіміздің басты мақсатымыздан жаңылмай алға жүруді үйренуіміз шарт.
Ал Президенттің Жолдауынан алдағы уақытта жасалатын жұмыс өте көп екенін түсіндік. Барлық сала өзгеріске ұшырайды. Сондықтан, заманмен бірге жүріп отыруымыз керек. Билік те, азаматтарымыз да осыған дайын болуы қажет.
Ол не үшін керек? Пандемия кезінде өмірдің барлық саласындағы кемшін тұстар айқын көрінді. Соның бәрін реттейтін басқа адамдар емес, ол өзіміз – қазақстандықтар", - деді Дана Нұржігіт.
