КӨМЕК КӨРСЕТУ – ПАРЫЗЫМЫЗ

Қырғыз бауырларымыз осыдан бес жыл бұрынғы оқиғаға қайтадан ұрынып отыр. Экономикалық жағы­нан кенже қалған ел үшін оның оңай соқпасы айтпаса да түсінікті. Осы­лайша жаппай қарсылық акциясына шығуының өзі қиын тұрмыспен де байланысты екенінде дау жоқ. Міне, осы мәселеге байланысты Мемлекет басшысы Н.Назарбаев та өз бағасын берген болатын. Онда Ел­басы қырғыздардың алдымен ел­дің тұрмысын жақсартудың орнына саясатпен айналысып кеткендігіне назар аударған-тын. Осы тұрғыдан келгенде көршілеріміз Қазақстаннан үлгі алулары керек еді. Яғни, алды­мен экономиканы оңдап барып сая­сатқа кірісулері тиіс болатын. Осы­мен екінші рет қайталанған оқиға шынымен де халыққа ауыр тиіп отыр. Ауызбіршілік пен тұрақтылық қана елді ұшпаққа шығара алады. Ел­дің екіге жарылуы да жақсы көрі­ніс емес. Әрине, жағдайдың бұлай қалып­та­суы қиыншылықтар әкелері түсі­нік­ті де. Әсіресе, бұл қарапайым адам­дар үшін қиын. Жастардың кө­ше­ге шығып дүкендер мен өзге де қызмет көрсету орындарын қиратуы­на жол берілмеуі тиіс еді. Өйткені, қираған, өртелген дүниелерді олар қосымша қаржы шығарып, бәрібір өздері жөндеуіне тура келеді. Қан­ша­ма ақшалай, уақыттай шығын. Оның үстіне қырғыз ағайындар осындай жолмен билікті алмастыруға әдетте­ніп алғандай әсер қалдырады. Олар мына билікті ауыстырсақ, жақсы президент немесе үкімет келеді деп ойлайды. Негізінде революциялық іс-әрекеттер ешқандай жақсылықтар әкелмейтінін уақыттың өзі көрсетті. Қазақстандағы орнықты эконо­ми­ка мен ұстанған дұрыс саясат он­дай келеңсіздіктерге жол бермейді деп есептеймін. Қарап отырсақ, қыр­ғыз бауырларымыз өз елінде екі қол­ға бір жұмыс таба алмағандықтан, біз­дің елімізге келіп нәпақасын айы­руға мәжбүр. Ол-ол ма, тіпті өз отба­сыларын тастап, Ресей және өзге де елдерге асып жатқан қырғызстандық азаматтар қаншама. Жағдайдың бұлайша қалыптасуы заңдылық, өйт­кені, билікке келгендер халықты ойламай отыр. Бауырлас екі халық қиын жағдай­ларда қашанда бір-біріне қолұшын созып келген. Сондай игі үрдісті ұстана отырып, біз де көрші бауырларымызға көмек көрсетуіміз дұрыс деп санаймын. Хусаин ВАЛИЕВ, Парламент Сенатының депутаты.