Аймақтар • 06 Қыркүйек, 2020

Атырау облысында қамыстан тұтанған өрт ауыздықталды

199 рет көрсетілді

Атырау облысында Каспий теңізі жағалауында жанып жатқан қамыс арасындағы өрт сөндірілді, деп хабарлайды Egemen.kz ТЖК баспасөз қызметіне сілтеме жасап.

"Бүгін 6 қыркүйекте сағат 17.21-де Атырау облысында қамыс пен құрғақ шөптің жануы жойылды.  

Естеріңізге сала кетейік, Атырау облысында Атырау қаласынан 30 шақырым қашықтықта Каспий теңізінің жағалауында қамыс жанып жатқан болатын. Жану орны батпақты, өсімдіктердің биік болуы өртті сөндіруді қиындатқан еді, осыған байланысты арнайы техниканың өту мүмкіндігі болмады. 

Шымкент қаласынан барған "Қазавиақұтқару" АҚ-ның МИ-17 тікұшағы жану ошағына 3 тоннадан 10 рет су шашты. 

Сонымен қатар жағдайға мониторинг жүргізу мақсатында "Қазавиақұтқару" АҚ "Еврокоптер145" тікұшағымен жану аумағын бойлай ұшу жүргізілді. 

Өртті сөндіруге Атырау облысы ТЖД, "Қазавиақұтқару" АҚ, Орман шаруашылығынан, жергілікті атқарушы органдардан 93 адам, 23 техника және 2 тікұшақ жұмылдырылды", делінген хабарламада. 

 

Соңғы жаңалықтар

ШҚО-да тұрғындар эвакуацияланды

Аймақтар • 09 Сәуір, 2021

Тасқын қаупі әуеден зерттелді

Аймақтар • 09 Сәуір, 2021

Алматыда тау баурайы отқа оранды

Аймақтар • 09 Сәуір, 2021

Алматыда карантин күшейтіле ме?

Коронавирус • 09 Сәуір, 2021

Ұқсас жаңалықтар