07 Қыркүйек, 2020

ҚАЖД қызметкерлері қан тапсыруды парыз санайды

226 рет
көрсетілді
1 мин
оқу үшін

Дені сау адамға қан тапсыру арқылы қиын жағдайдағы жанға көмек көрсету – азаматтық парыз. Наурыз айында індет жағадан алып, қарбалас күшейген шақта Маңғыстау "Қан орталығында" қан тапшылығы сезіліп әбігерге салған болатын, деп хабарлайды Egemen.kz

ҚАЖД қызметкерлері қан тапсыруды парыз санайды

Індетпен ғана емес, өзге де қажет еткен адамдарға көмек деген оймен Маңғыстау облысы бойынша Қылмыстық атқару жүйесі департаменті ГМ-172/10 мекемесі жеке құрам қызметкерлері қан тапсырды. Мекемеде бұл үрдіс дәстүрге айналған.

1

Қан тапсырған қызметкерлердің ішінде сирек кездесетін қан тобының (4 +) иесі де бар.

– Біздің қанымыз өзгенің қажетіне жарап, өмірін құтқаруға көмектессе, ол біз үшін үлкен қуаныш. Сондықтан қан тапсырудан бас тартпаймыз және мұны біз жыл сайын тұрақты қайталанатын үрдіс ретінде қалыптастырдық, – дейді мекеме қызметкері А.Әбдіраш.