Отандасымыз бұл кездесуде өзіне тиелісі IBO Inter-Continental белбеуін қорғап, IBF белбеуінің Еуропа құрлығы чемпиондық атағына таласады.
Бұл кәсіпқой бокс кеші 17 қазанға жоспарланып отыр. Ал Кособуцкидің жекпе-жегі он раунд болатын шығар. Осылайша 31 жастағы қазақстандық боксшы карьерасында үшінші рет он раундтық кездесу өткізеді. Бұған дейінгі он раундық екі кездесуде ол қарсыластарын нокаутқа түсірген.
Кособуцкидің қарсыласы бельгиялық Джоэль Тамбу Джеко (17-2-1, 8 КО) болып қалуы ықтимал. Ол жекпе-жектерінің көбін Бельгия жерінде өткізген. Бірақ Джоэль карьерасын Мароккода бастаған. Қазіргі уақытта Ұлыбританияда тұрып, сол жақта жаттығу жасайды екен.
Жан 2019 жылдың қараша айында Гамбург қаласында өткен кездесуде хорват Агрон Смакичиді (15-1, 13 КО) жеңіп, IBO Inter-Continental белбеуін жеңіп алған. 2020 жылы ол екі кездесу өткізіп, екеуінде де жеңіске жетті. Сөйтіп боксшымыз WBC рейтингіне кірген болатын
